Today's Song - Be Thou My Vision - Download

 

CLICK HERE TO DOWNLOAD

 

Be thou my vision, O Lord of my heart,

Be all else but naught to me, save that thou art;

Thou my best thought in the day and the night,

Both waking and sleeping, thy presence my light.

Be thou my wisdom, be thou my true word,

Be thou ever with me, and I with thee Lord;

Be thou my great Father, and I thy true son;

Be thou in me dwelling, and I with thee one.

Be thou my breastplate, my sword for the fight;

Be thou my whole Armour, be thou my true might;

Be thou my soul's shelter, be thou my strong tower:

O raise thou me heavenward, great Power of my power.

Riches I heed not, nor man's empty praise:

Be thou mine inheritance now and always;

Be thou and thou only the first in my heart;

O Sovereign of Heaven, my treasure thou art.

High King of Heaven, thou Heaven's bright sun,

O grant me its joys after victory is won!;

Great heart of my own heart, whatever befall,

Still be thou my vision, O Ruler of all.

நமக்குள்ள பங்கை நாம் அறியும் போது நம் வாழ்வு அர்த்தமுள்ளதாகிறது

வழக்கம் போல அந்த‌ குயவன் அன்று தன் வேலையைத் தொடங்கினான். களிமண்ணை எடுத்து வந்து அதை சுத்தமாகச் சலித்து, தேவையில்லாத குப்பைகளையும், கற்களையும், இலைச் செருகுகளையும் அதிலிருந்து எடுத்துப் போட்டான். பின்பு, தண்ணீரைப் பதமாக ஊற்றி, நன்றாய் பிசைந்து அழகான பாத்திரமாய் அதை வனைந்தான். வனைந்த பாத்திரத்தை நெருப்பில் சுட்டான், அப்போது அது உறுதியானது. நல்ல வழுவழுப்போடு திடமான பாத்திரமாய் இருந்தது, எந்த பிசகும் அதில் இல்லை. செய்ய வேண்டிய வேலைகள் எல்லாம் முடிந்த பின்பு, அப்பாத்திரத்தைச் சந்தைக்கு கொண்டு வந்தான். ஒரு பெண் அதனை விரும்பி நல்ல விலைக்கு பெற்றுக் கொண்டாள். தன் கூடையில் வைத்து தலைமேல் சுமந்து கொண்டு வீட்டை நோக்கிச் சென்றாள்.

கூடையில் வைக்கப்பட்ட பாத்திரம் அங்கும் இங்கும் மோதியது, தாளமிட்டுக் கொண்டே அந்த பெண்ணோடு வேறிடம் நோக்கிச் சென்றது. தன் தாள ஓசையைக் கேட்டு அதனால் இரசிக்காமல் இருக்க முடியவில்லை. தன்னை நேசித்தது, தன் தாளத்தை நேசித்தது, ஆனால் அதனிடம் ஒரு இனம்புரியாத வெறுமை...

அந்த பெண் தன் வீட்டை அடைந்தாள். தன் பழைய பாத்திரங்களோடு, இப்புதிய‌ பாத்திரத்தையும் வைத்தாள். தன்னைப் போன்ற‌ பலரைக் கண்டு அவைகளை நேசித்தது. அவர்களைக் காட்டிலும் தான் பளபளப்போடும் திடமோடும் உள்ளதை நினைத்து தன்னை மெச்சிக் கொண்டது. ஆனால் அந்த வெறுமை மட்டும் அதனை விட்டு நீங்கவில்லை...

அப்பெண்ணும் சில நாட்களாக‌ தன் பழைய பாத்திரங்களையே பயன்படுத்தி வந்தாள். சிலவற்றில் தண்ணீர் நிரப்பி வைத்தாள், சிலவற்றை சமைக்கப் பயன்படுத்தினாள். புது பாத்திரத்திற்கான நேரமோ இன்னும் வரவில்லை. அவளிடம் தன் நண்பர்கள் படும் அத்தனை பாடுகளையும் அமைதியாக கண்டுகொண்டு இருந்தது. வேலை முடிந்த பின், அப்பெண் தன் பாத்திரங்களை கழுவி கவிழ்த்துவிட்டு போனாள். புதுபாத்திரத்தால் இப்போது நலம் விசாரிக்காமல் இருக்க முடியவில்லை. தன் நண்பர்களிடம் அவர்கள் பட்ட பாட்டைச் சொல்லி பெருமூச்சு விட்டது. அதனைக் கேட்டதும் அவைகள் சிரித்தன, குயவன் நம்மை வனைந்ததே அதற்குத்தான் என்றன. புதுபாத்திரத்தால் இதனை ஏற்றுக் கொள்ள முடியவில்லை. தன் பளபளப்பு என்றுமே மாறாது என்றது, தனக்கு அவர்கள் நிலை நேரிடப் போவ‌தில்லை என்று தன்னைத் தானே தேற்றிக் கொண்டது. ஆனால் அந்த வெறுமையான உணர்வு இன்னும் அதனை விட்டு நீங்கவில்லை. அதற்கும் அக்காரணம் புரியவில்லை.

நாட்கள் சென்றன. புதுபாத்திரத்திற்கான நாள் வந்தது. அப்பெண் அதனை எடுத்து அடுப்பில் வைத்தாள், நெருப்பு மூட்டினாள்... பாத்திரம் சூடானது, பளபளப்பு கருகிப் போனது... என் நண்பர்கள் சொல்லியது உண்மைதானா? என் பளபளப்பு அவ்வளவுதானா? இவள் என்னை என்ன செய்யப் போகிறாள்?... புதுபாத்திரத்திற்கு பல விதமான‌ யோசனைகள். யோசிக்க யோசிக்க அவள் அதில் தண்ணீர் ஊற்றினாள். பாத்திரம் தண்ணீரால் நிரம்பியது, உடனே, ஓர் மாற்றம்... நல்ல இதமான மாற்றம்...

அப்போது தான் தன் வெறுமை தன்னை விட்டு காணாமல் போனது அதற்கு புரிந்தது. "என் பளபளப்பு நிலையல்ல, குயவன் வனைந்த நோக்கந்தான் எனக்கு நிலையானது, என் வெறுமையை நீக்கவல்லது" என்றது. அந்த நேரமே தன் நண்பரோடு சேர்ந்து கொண்டது, குயவன் தனக்களித்த வேலையைச் சந்தோஷமாய் செய்த‌து. வெறுமை நீங்கின தன் வாழ்வை நேசித்தது...

இது தான் வேதம் கூறுகின்ற மனித வாழ்க்கை... இறைவன் படைத்த அனைத்து உயிர்களைக் காட்டிலும் மனிதர்களாகிய நாம் சிறந்தவர்கள். பிற உயிர்களைப் படைக்கும் போது, "உண்டாகட்டும்" என்றவ‌ர் மனிதரைப் படைக்கும் போது மண்ணைப் பிசைந்தார், தன் ஜீவனை அவனுக்கு கொடுத்தார். எந்த உயிருக்கும் இல்லாத சுய அறிவை மனிதர்களுக்கு மட்டும் கொடுத்தார். இறைவனின் கரத்தால் படைக்கப்பட்ட ஒரே உயிர் மனிதன் தான். தேவ சாயலில் படைக்கப்பட்ட ஒரே உயிரும் மனிதன் தான். அவர் உண்டாக்கின எல்லாவற்றையும் பெற்றுக் கொண்டவன் மனிதன் தான், அனைத்திலும் அதிகமாய் நேசிக்கப்பட்டவன் மனிதன் தான்... அவன் பாவத்தில் விழுந்து, அவரை விட்டு விலகின போதும் தேவன் அவனை நேசித்தார், "ஆதாமே, நீ எங்கே இருக்கிறாய்?" என்று ஓடி வந்தார்.

குயவன் வனைந்த பாத்திரம் போலவே நாமும் படைக்கப்பட்டோம். நாம் படைக்கப்பட்ட நோக்கத்தை அறியும் வரை நம் வாழ்வில் உள்ள வெறுமைத் தீராது, நம் மனம் ஒன்றைத் தேடித் திரியும். அது என்ன என்று நமக்கு புரியாது. இந்த அனுபவத்தை பெறாத மக்கள் இருக்க மாட்டார்கள் என்றும் இச்சிந்தனையைத் தூண்டவே மனித மூளையில் "காட் ஸ்பாட்" என்ற பகுதி உள்ளதாகவும் அறிவியல் சொல்கிறது. மனிதர்களைத் தவிர்த்து வேறெந்த உயிரினத்திலும் இந்த பகுதி இல்லை. மனிதனின் வாழ்நாள் முழுவதும் இந்த பகுதி சிந்தனைகளைத் தூண்டிக் கொண்டே இருக்கும். இறைவன் இல்லை எனச் சாத்திப்பவர்களுக்கு காட் ஸ்பாட் அதிக ஆற்றலோடு செயல்படுகிறது. அதன் காரணமாகத் தான் இறைவனின்றி அண்டம் உருவாக வாய்ப்புண்டா என இம்மக்கள் தொடர்ந்து ஆராய்கின்றனர். இது இறைவன் நமக்கு வைக்கிற தேர்வு என்றே சொல்லலாம். தன்னை அறிந்துகொள்ள இச்சிந்தையை கொடுத்திருக்கிறார், தன்னை சுட்டிக் காட்டும் அற்புதங்களை படைப்பின் அதிசயங்களை விட்டு வைத்துள்ளார்.

ஏன் நம்மைப் படைத்தவரையும், நாம் படைக்கப்பட்ட நோக்கத்தையும் நம்மால் ஏற்றுக் கொள்ள முடியவில்லை? ஏனெனில் நாம் படைக்கப்பட்ட நோக்கத்தை விட பளபளப்பையே அதிகம் விரும்புகிறோம். சிற்றின்பம், இச்சை, பணம், மோகம், பேராசை என எதையும் இழக்க மனிதன் மறுக்கிறான். இவைகளே தன் மனதிற்கு தேவையான நிறைவை அளிக்க வல்லது என தன்னை தேற்றிக் கொள்கிறான். இத்தகைய எண்ணங்களைக் கொண்ட எந்த மனிதனாலும் பரிசுத்த தேவனை ஏற்றுக் கொள்ள முடியாது. ஏனெனில் தன் இச்சையை மறுக்கும் இறைவ‌னை அவன் மறுக்கிறான். என்ன மறுத்தாலும் "காட் ஸ்பாட்" தன் வேலையை விடுவதில்லை, அவனை சிந்திக்கச் சொல்லி தூண்டிக் கொண்டே இருக்கிறது... அதனால் என்ன? அதே வெறுமை...

இதற்கு என்ன தீர்வு? நமக்குள்ள பங்கை, நம்மை படைத்தவரை, நாம் படைக்கப்பட்ட நோக்கத்தை அறிய வேண்டும். அப்போது நம் மனம் நிரம்பி வழியும், தேவையற்ற வெறுமை நீங்கும், மனம் அமைதியில் பிரேவிசிக்கும். இதனைக் குறித்தே, "நான் கொடுக்கும் தண்ணீரைக் குடிக்கிறவனுக்கோ ஒருக்காலும் தாகமுண்டாகாது; நான் அவனுக்குக் கொடுக்கும் தண்ணீர் அவனுக்குள்ளே நித்திய ஜீவகாலமாய் ஊறுகிற நீரூற்றாயிருக்கும்" என்று சொன்னார் இயேசு.

இறைவனின் அன்பில் நிலைத்து வாழவே நாம் தேவசாயலில் படைக்கப்பட்டோம். அந்த அன்பில் நிலைத்திருந்தால் தான் நம் உள்ளம் தேடித் திரியும் நிறைவை நாம் பெற முடியும். நமக்கு இளைப்பாறுதல் கிடைக்கும். இந்த அன்பை உணரும் வரை, மனிதன் பல சூழலைத் தாண்டி வருகிறான், அவைகளை நேசித்து மகிழ்கிறான், ஆனால் அவன் பாத்திரம் இன்னும் நிரம்பவில்லை. எச்சமயம் அவன் பாத்திரம் ஜீவத்தண்ணீரால் நிறைகிறதோ அன்றே அவனுக்கு சமாதானம் உண்டாகும், உள்ளம் நிறைவை பெறும், வாழ்க்கை இன்பமாகும்... உபத்திரவங்கள் வந்தாலும், தளராமல் முன்னேறிச் செல்வான், இறைவனை முழுமனதோடு நேசிப்பான், தன்னைப் போல் தனக்கடுத்தவரை நேசிப்பான், இலக்கை நோக்கி ஓடுவான், அதைக் கண்டடைவான்...

அழகாய்ச் சொன்னார் பவுல்,

"...நான் இப்பொழுதே பானபலியாக வார்க்கப்பட்டுப் போகிறேன்; நான் தேகத்தை விட்டுப் பிரியும் காலம் வந்தது. நல்ல போராட்டத்தைப் போராடினேன், ஓட்டத்தை முடித்தேன், விசுவாசத்தைக் காத்துக் கொண்டேன். இது முதல் நீதியின் கிரீடம் எனக்காக வைக்கப்பட்டு இருக்கிறது, நீதியுள்ள நியாயாதிபதியாகிய கர்த்தர் அந்நாளிலே அதை எனக்கு தந்தருளுவார்; எனக்கு மாத்திரமல்ல, அவர் பிரசன்னமாகுதலை விரும்பும் யாவருக்கும் அதை தந்தருளுவார்...."

நீங்கள் நிரம்பிவிட்டீர்களா...?

நம் தேவன் மூன்றில் ஒன்றாய் ஜொலிப்பவர்...!

நம்மைப் படைத்த தேவன் இணைப்பிரியாத திரியேகர், மூன்றில் ஒன்றாய் ஜொலிப்பவர்! அந்த அற்புத பிணைப்பை நம்மால் பிரித்து பார்க்க‌ முடியாது, பிரித்தால் நம்மைப் படைத்தவரை அறிய முடியாது... ஆனால்... இந்த உறவு எப்படி சாத்தியம்? பிதா குமாரன் பரிசுத்த ஆவி என்றால் என்ன? திரியேகம் என்றால் என்ன? திரியேகத்தை விளக்கிச் சொல்ல முடியுமா? வாருங்கள் காணலாம்...

இந்நாளில் தங்கள் பாவங்களை அறிக்கையிட்டு இயேசு கிறிஸ்துவிடம் மனந்திரும்பினோர் எத்தனையோ நமக்கு தெரியாது, அதை தேவன் தான் அறிவார். அது போல நீங்களும் அவரது அன்பில் வீழ்ந்தவராய் மனந்திரும்புதலுக்கு ஏற்ற‌ ஆவலோடு இங்கு வந்திருக்கலாம். உங்களுக்காக‌ இந்த பதிவு. இயேசு கிறிஸ்துவை உங்களது சொந்த இரட்சகராக ஏற்றுக் கொள்ளும் போது, அவர் நமக்கீந்த இரட்சிப்பைப் பற்றியும், அவர் தம் பிதாவோடு கொண்டுள்ள அழகிய உறவைப் பற்றியும் அறிந்திருப்பது நல்லது. வேத வசனிப்பினால் இந்த சத்தியங்களை அறிந்து கொள்ளலாம். நீங்கள் புதியவராக இருந்தால், உங்களுக்கு விளக்கங்கள் தேவைப்பட்டால், இந்த பதிவு உங்களுக்கு கைக்கொடுக்கும். நன்றி.

திரியேகம் என்றால் என்ன?

1) பிரிக்க முடியாதது, பிரித்தால் பொருளில்லை...
தேவனிடத்தில் இருந்து வார்த்தையும், ஆவியும் புறப்படுகிறது என்று வேதம் கூறுகிறது. இதனைப் பற்றி இரண்டு கேள்விகளை இப்போது ஆராயலாம். ஒன்று, வார்த்தையில்லாத தேவன் சாத்தியமா? மற்றொன்று, ஆவி இல்லாத தேவன் உண்டா? வேதத்தின் பார்வையில் இதற்கான பதில்கள் என்ன...?

அ) வார்த்தை: அவர் சொல்ல ஆகும்...

எசேக்கியேல் 12:25 - "நான் கர்த்தர், நான் சொல்லுவேன், நான் சொல்லும் வார்த்தை நிறைவேறும்"

தேவன் தன் சித்தத்தை வெளிப்படுத்த ஒரு வார்த்தை சொன்னால் போதும். அந்த வார்த்தை அப்போதே நிறைவேறும். இது வேதம் கூறும் சத்தியம். உதாரணமாக, வானத்தையும் பூமியையும் சிருஷ்டித்த போது, வெளிச்சம் உண்டாகக்கடவது என்றார். உடனே வெளிச்சம் உண்டாயிற்று. இது தான் நம் தேவனின் வார்த்தை. அவர் சித்தம் வார்த்தையாகும், அந்த‌ வார்த்தை நிறைவேறும்.

இந்த நேரம் தேவனிடத்தில் வார்த்தை இல்லை என்று எடுத்துக் கொள்ளலாம். வார்த்தை இல்லாமல் தேவன் தன் சித்தத்தை எப்படி வெளிப்படுத்துவார்? அவர் மனதால் எண்ணினால் நிறைவேறும் என்று சொல்லலாமா? அப்படி அல்ல, மனதால் எண்ணினாலும் அவர் சித்தம் வார்த்தையாகும். வெளிச்சம் உண்டாக, "வெளிச்சம் உண்டாகட்டும்" என்று தேவன் எண்ணுகிறார். "வெளிச்சம் உண்டாகட்டும்" என்று அவர் எண்ணும் சிந்தனைகளும் வார்த்தைகள் தான்...

வார்த்தையை எடுத்துவிட்டால் தேவனுக்குப் பொருளில்லை. ஏனெனில் வார்த்தையில்லாத தேவனால் எந்த சித்தத்தையும் வெளிப்படுத்த முடியாது. வார்த்தையில்லாமல் தேவன் இல்லை.

ஆ) ஆவி: அவருக்குள் உள்ள ஜீவன்...

யோவான் 1:4 - "அவருக்குள் ஜீவன் இருந்தது"

ஜீவனில்லாத தேவன் உயிரற்ற‌ சடலத்திற்குச் சமம். மேற்கொண்ட எந்த விளக்கம் இதற்கு தேவையில்லை. வார்த்தையைப் போல, ஜீவனில்லாத தேவனுக்கும் பொருளில்லை. இது நாம் அறிந்ததே. கவலை வேண்டாம், உங்களை அழைத்தவர் ஜீவனுள்ள தேவன்!

இ) தேவன் இல்லாவிட்டால்...?

தேவன் இல்லாவிட்டால் வார்த்தையும் ஜீவனும் இல்லை! தேவனே இல்லாத போது, தேவனது வார்த்தையேது? அவருக்குள் வாசம் செய்ய ஆவியேது?

மறுக்க இயலாத‌ சத்தியம் இது. தேவன் தன் வார்த்தையோடும், ஆவியோடும் ஒருமைப்பட்டிருக்கிறார். தேவன் எப்படி முதலும் முடிவும் அற்றவரோ அதை போல அவரது வார்த்தையும் ஜீவனும் முதலும் முடிவும் இல்லாதவை. இறைவனை ஏற்கும் யாராலும் இந்த பிணைப்பை பிரிக்க முடியாது. பிரித்தால் என்னாகும்? தேவனுக்கு பொருளில்லை!

தேவன் + வார்த்தை + ஆவி = ஆற்றல‌ற்ற பொருள்

தேவன் + வார்த்தை + ஆவி = உயிரற்ற பொருள்

தேவன் + வார்த்தை + ஆவி = சாத்தியமல்ல

2) ப‌ரிசுத்த ஆவி நிழலிடும், வார்த்தை மாம்சமாகும்..!

நம்மைப் பாவத்தில் இருந்து நீக்க நம் தேவன் தன்னையே தந்தார். அவர் தான் தேவ‌குமாரன் இயேசு கிறிஸ்து. குமாரன் என்கிற சொல்லை வைத்து, தேவன் மரியாளிடம் இயேசுவை பெற்றெடுத்தார் என்று கருதுவதோ அல்லது தனக்காக ஒரு குமாரனை உருவாக்கிக் கொண்டார் என்று எண்ணுவதோ முற்றிலும் தவறு. கிறிஸ்துவுக்குள் வாழும் எவரும் இவ்வாறு எண்ணுவதில்லை. கிறிஸ்துவை அறியாத மக்களிடத்தில் தான் இத்தகைய தவறான எண்ணங்கள் நிலவுகின்றன. நீங்கள் குமாரன் என்கிற வார்த்தையை இத்தகைய பொருளில் எண்ணி இருந்தால் அதை கைவிடுங்கள். குமாரன் என்றால் என்ன? ஆதிமுதல் இருந்த தேவன் நம்மிடத்தில் மனிதனாக வந்தார். அவர் தான் இயேசு. இயேசு தேவனின் தூய பிரதிபலிப்பு. அதன் காரணமாகவே, தன்னைக் குமாரன் என்றார், என்னை கண்டவன் பிதாவைக் கண்டான் என்றார். இதனை வேதம் அழகாய் விளக்கியுள்ளது. இரண்டு வேதப்பகுதிகளை இப்போது காணலாம்.

யோவான் 1:1,14 - ஆதியிலே வார்த்தை இருந்தது, அந்த வார்த்தை தேவனிடத்திலிருந்தது, அந்த வார்த்தை தேவனாயிருந்தது. அந்த வார்த்தை மாம்சமாகி, கிருபையினாலும் சத்தியத்தினாலும் நிறைந்தவராய், நமக்குள்ளே வாசம்பண்ணினார்; அவருடைய மகிமையை கண்டோம்; அது பிதாவுக்கு ஒரே பேறானவருடைய மகிமைக்கு ஏற்ற மகிமையாகவே இருந்தது.

மத்தேயு 1: 18‍ - 21 - இயேசு கிறிஸ்துவினுடைய ஜெநநத்தின் விவரமாவது: அவருடைய தாயாராகிய மரியாள் யோசேப்புக்கு நியமிக்கப்பட்டு இருக்கையில், அவர்கள் கூடி வருமுன்னே, அவள் பரிசுத்த ஆவியினாலே கர்ப்பவதியானாள் என்று காணப்பட்டது. அவள் புருஷனாகிய யோசேப்பு நீதிமானாய் இருந்து, அவளை அவமானப்படுத்த மனதில்லாமல், இரகசியமாய் அவளைத் தள்ளிவிட யோசனையாய் இருந்தான். அவன் இப்படிச் சிந்தித்துக் கொண்டிருக்கையில், கர்த்தருடைய தூதன் சொப்பனத்தில் அவனுக்குக் காணப்பட்டு: தாவீதின் குமாரனாகிய யோசேப்பே, உன் மனைவியாகிய மரியாளை சேர்த்துக் கொள்ள ஐயப்படாதே; அவளிடத்தில் உற்பத்தியாய் இருக்கிறது பரிசுத்த ஆவியினால் உண்டானது. அவள் ஒரு குமாரனை பெறுவாள், அவருக்கு இயேசு என்று பேரிடுவாயாக. ஏனெனில் அவர் தமது ஜனங்களின் பாவங்களை நீக்கி அவர்களை இரட்சிப்பார் என்றான்.

குமாரனை அறிய இவ்விரண்டு வாக்கியங்கள் போதும்...

1) "அந்த வார்த்தை மாம்சமாகி, கிருபையினாலும் சத்தியத்தினாலும் நிறைந்தவராய், நமக்குள்ளே வாசம்பண்ணினார்"

2) "அவளிடத்தில் உற்பத்தியாயிருக்கிறது பரிசுத்த ஆவியினால் உண்டானது"

தேவ‌னின் வார்த்தையும், தேவனின் தூய ஆவியும் மாம்சமானது, நம் தேவன் நம்மிடத்தில் வந்தார். அவர் தான் இயேசு, தேவனின் தூய பிரதிபலிப்பு. குமாரனைக் கண்டவன் பிதாவைக் கண்டான்.

3) தேற்றரவாளன் வந்தார், நமக்குள் வாசம் செய்கிறார்...

நமக்கு அளிக்கப்பட்ட தேற்றரவாளன் தான் பரிசுத்த ஆவியானவர்.

யோவான் 14:24 - என் நாமத்தினாலே பிதா அனுப்பப் போகிற பரிசுத்த ஆவியாகிய தேற்றரவாளனே எல்லாவற்றையும் உங்களுக்கு போதித்து, நான் உங்களுக்கு சொன்ன எல்லாவற்றையும் உங்களுக்கு நினைப்பூட்டுவார்.

தேவனிடத்தில் இருந்து புறப்பட்ட ஆவி அவர், அவரது வார்த்தைகளை நமக்குப் போதிப்பவர். தேவவார்த்தையும், தேவனின் ஜீவனும் நமக்குள் வந்தது. அவரே நம் தேற்றரவாளன்...! தேவன் போதித்த சகல வார்த்தைகளையும் நமக்கு நினைவுபடுத்தி நம்மை சத்திய பாதையில் நடக்கச் செய்கிறார்.

இது தான் திரியேகம், பரிசுத்த வேதாகமத்தின் உயிர்நாடி. திரியேகம் இல்லாது வேதத்தை விளக்க முடியாது. ஏன்? திரியேகமின்றி கடவுளைக் கூட‌ நம்மால் விளக்க முடியாது! மகிழ்ந்து களிகூறுங்கள், உங்களை அழைத்தவர் உண்மையுள்ளவர்...!

உம்மைப் போல இந்த உலகிலே வேறொருவரும் இல்லையே!

A VERY BEAUTIFUL SONG....

CLICK HERE TO DOWNLOAD MP3

உம்மைப் போல இந்த உலகிலே
வேறொருவரும் இல்லையே...
உம்மைப் போல இந்த உலகிலே
வேறொருவரும் இல்லையே...

அம்மாவும் நீரே என் அப்பாவும் நீரே
என் ஆத்ம நேசர் நீரல்லோ...

அம்மாவும் நீரே என் அப்பாவும் நீரே
என் இதய துடிப்பும் நீரல்லோ...

அன்பைத் தேடி நான் அலைந்து திரிந்தேன்
மனித உறவுகளால் நொறுக்கப்பட்டேன்...
அன்பைத் தேடி நான் அலைந்து திரிந்தேன்
மனித உறவுகளால் நொறுக்கப்பட்டேன்...
வேதனையில் நான் வாழுகையில்
உம் அன்பினால் என்னை உயிர்ப்பித்தீர்...
வேதனையில் நான் வாழுகையில்
உம் அன்பினால் என்னை உயிர்ப்பித்தீர்...

உம்மைப் போல இந்த உலகிலே
வேறொருவரும் இல்லையே...

குழப்பமான சில நேரங்களில்
கேள்விகள் அநேகம் எழுகையில்...
குழப்பமான சில நேரங்களில்
கேள்விகள் அநேகம் எழுகையில்...
உம் ஞானத்தினால் என்னை வழிநடத்தும்
உம் சமூகத்தில் என்னை பெலப்படுத்தும்...
உம் ஞானத்தினால் என்னை வழிநடத்தும்
உம் சமூகத்தில் என்னை பெலப்படுத்தும்...

உம்மைப் போல இந்த உலகிலே
வேறொருவரும் இல்லையே...
உம்மைப் போல இந்த உலகிலே
வேறொருவரும் இல்லையே...

அம்மாவும் நீரே என் அப்பாவும் நீரே
என் ஆத்ம நேசர் நீரல்லோ...

அம்மாவும் நீரே என் அப்பாவும் நீரே
என் இதய துடிப்பும் நீரல்லோ...

உம்மைப் போல இந்த உலகிலே
வேறொருவரும் இல்லையே...

உங்களை அழைத்தவர் உண்மையுள்ளவர்...!

நம்மை படைத்தவரே நம்மிடம் அவரை வெளிப்படுத்தினால் ஒழிய நம்மால் கடவுளைக் குறித்தும் அவரது குண நலன்களைக் குறித்தும் அறிய முடியாது. அப்படிப்பட்ட வெளிப்பாடு இவ்வுலகத்தில் உண்டா என்று சரித்திரத்தை புரட்டிப் பார்ப்போம். உண்டு! ஒரு தடயம் உள்ளது. 2000 ஆண்டுகளுக்கு முன்பு, பாலஸ்தீன நாட்டின் தொழும் ஒன்றில் பிறந்த குழந்தை அது. இன்றும் அந்த நன்னாளை உலகம் கொண்டாடி வருகிறது. அவர் தான் இயேசு.

இயேசு கடவுளா? தன்னை கடவுள் என்றாரா?
இயேசு கிறிஸ்துவின் வாழ்க்கை வரலாறை படித்தால், அவர் மக்களிடத்தில் ஒரு சராசரி மனிதராய் போதிக்காமல், அதிகாரமுடைய ஒருவ‌ராக போதனை செய்தார் என்று அறியலாம். அவரது வார்த்தையை கேட்ட அக்கால மக்கள் மிகுந்த ஆச்சரியத்துக்கு உள்ளானர்கள். போதிக்க துவங்கிய சில நாட்களிலேயே, தன்னை குறித்து விய‌ப்பூட்டும் வார்த்தைகளை சொல்லி வந்தார். ஒரு சாதாரண தீர்க்கதரிசிக்கும், போதகருக்கும் மேலாய் இயேசு தன்னை கூறிக் கொள்கிறார் என்பதை மக்கள் அறிந்து கொண்டனர். ஒரு நாள், "என்னைக் குறித்து நீங்கள் என்ன நினைக்கிறீர்கள்?" என்று இயேசு கேட்டபோது அவரது சீஷரான‌ பேதுரு,"நீர் ஜீவனுள்ள தேவனின் குமாரனாகிய கிறிஸ்து" என்று சொன்னார். அதற்கு இயேசு அவரை கடிந்து கொள்ளவில்லை, மறுமொழி கூறவில்லை, மாறாக அவரை மெச்சினார்.

இவ்வாறு, இயேசு யூத சட்டங்களைக் கைக்கொள்ளாமல், தன்னை தேவகுமாரன் என்று கூறி வந்ததால், யூதர்கள் அவரை கொல்ல முயன்றனர். ஒரு கட்டத்ததில், "பிதாவும் நானும் ஒன்றாயிருக்கிறோம்" என்று இயேசு சொன்னார். அந்த வார்த்தைகளை கேட்டபொழுதே யூதர்க‌ள் கற்களை எடுத்துகொண்டார்கள். "எந்த நற்கிரியை நிமித்தம் என்மீது கல்லெறிய நினைக்கிறீர்கள்" என்று அவர் கேட்ட பொழுது, "நீ மனிதனாய் இருக்க, உன்னை கடவுள் என்பதால் கல்லெறிகிறோம்" என்றார்கள். இவ்வாறு, இயேசுவின் போதனைகளே அவரது அடையாளத்தை வெளிப்படுத்தும் மையக் கருத்துக்களாக அமைந்தன.

இயேசு கடவுளா? அவரது வாழ்க்கையை காணலாம்...

உடல் ஊனமுற்ற ஒருவரை குணமாக்க இயேசு கிறிஸ்துவிடம் சிலர் கொண்டு வந்தார்கள். அப்பொழுது இயேசு, "மகனே உன் பாவங்கள் மன்னிக்கப்பட்டது" என்றார். அவரது வார்த்தை யூதர்களுக்கு வெறுப்பூட்டியது. "இந்த மனிதன், தேவ தூஷணம் சொல்வதென்ன? கடவுளைத் தவிர்த்து யாரால் பாவங்களை மன்னிக்க கூடும்? பாவத்தை மன்னிக்க இவன் யார்?" என்று அவரை கடிந்து கொண்டனர். குற்றவிசாரணை போது, "நீ தேவனுடைய குமாரனாகிய‌ கிறிஸ்துதானா?" என்று பிரதான ஆசாரியன் கேட்க, "நான் அவர்தான், மனுஷகுமாரன் சர்வ வல்லவரின் வலது பாரிசத்தில் வீற்றிருப்பதையும், வானத்தின் மேகங்கள் மேல் வருவதையும் நீங்கள் காண்பீர்கள்" என்று இயேசு சொன்னார். இதனை கேட்டவுடனே பிரதான ஆசாரியன் தன் ஆடைகளைக் கிழித்துக் கொண்டு, "இவன் தேவ தூஷணம் சொன்னான், இனி சாட்சிகள் வேண்டியதென்ன?" என்று சத்தமிட்டான். அங்கிருந்தோரும் "மரணத்துக்கு பாத்திரமாயிருக்கிறான்" என கோஷமிட்டார்கள்.

இயேசுவின் ஒவ்வொரு வார்த்தைகளும் அவரது அடையாளத்தையும், அவருக்கும் தேவனுக்கும் உள்ள இணைப்பையும் வெளிப்படுத்திக் கொண்டே இருந்தன. தேவனின் தூய பிரதிபலிப்பே இயேசு கிறிஸ்து. அவரை அறிந்து கொள்வது தேவனை அறிந்து கொள்வதாகும், அவரை காண்பது தேவனை காண்பதற்கு சமம், அவரை விசுவாசிப்பவன் தேவனை விசுவாசிக்கிறான், அவரை ஏற்பவன் தேவனை ஏற்றுக் கொள்கிறான், அவரை மகிமைப்படுத்தினவர் தேவனை மகிமைப்படுத்துகிறார்.

இயேசு கடவுளா? சிந்தனை செய்வோம்...
இத்தருணம் நம் முன் இருப்பது இந்த கேள்வி தான், "இயேசு தன்னைக் குறித்து சொன்னவை உண்மையா?"

சிலர், இயேசு தன்னைக் கடவுளென்று சொன்னதாக அவரது சீஷர்கள் பொய்யுரைத்திருக்கலாம் என்று கருதுகிறார்கள். இது சரியல்ல, இயேசு கிறிஸ்து சிலுவையில் அறையப்பட்ட சில நாட்களிலேயே அவரது சீஷர்கள் சுவிசேஷச் செய்திகளை ஊர் ஊராக சென்று பிரசித்தப்படுத்தினர். சில ஆண்டுகளில் இயேசு கிறிஸ்துவின் போதனைகள் வெகு வேகமாக பரவி, பல மக்களால் ஏற்றுக் கொள்ளப்பட்டது. பல இடங்களில் திருச்சபைகள் பெருகின, அவரது வாழ்க்கை வரலாறு குறித்த சுவிசேஷ நூல்கள் சபைகளுக்குள் புழங்கத் தொடங்கி பெருமளவில் பரிமாறிக் கொள்ளப்பட்டது. இவையெல்லாம் சீஷர்கள் இறப்பதற்குள் நிறைவேறி முடிந்தன. சமுதாயத்தில் பெயர் பெற்றிராத ஒரு கொலை குற்றவாளிக்கு இத்தனை சீக்கிரத்தில் புகழ் உண்டாவது எளிதல்ல. அதோடு, சீஷர்கள் அவர்களது போதனைகளில் இருந்து நிலை தடுமாறல் இறப்பு வரை போராடினர். கொலை மிரட்டல்களுக்கு அஞ்சாமல் அவரது வார்த்தைகளை போதித்து கொடூர முறையில் தங்கள் உயிர்களை விட்டனர். மனம் அறிந்த ஒரு பொய்க்காக குறுகிய காலத்தில் இத்தனை பாடுபட்டு உயிரை விட யாருக்கும் மனம் வராது. சீடர்கள் பொய்யுரைக்கவில்லை.

சிலர் அவரது தெய்வத் தன்மையை மறுத்தாலும், அவரை ஒரு நல்ல தத்துவ ஞானியாக, போதகராக ஏற்றுக் கொள்கின்றனர். ஆனால், இது பொருந்தாது. இயேசு கிறிஸ்து தன்னை கடவுள் என்று பொய் சொல்லி இருந்தால், அவரை ஒரு நல்ல போதகராகவோ, தத்துவ ஞானியாக ஏற்க முடியாது. ஒரு சாரார், அவரை பைத்தியம் பிடித்தவர் என்று அக்காலம் முதலே இகழ்ந்தார்கள். இது இன்னொரு வாய்ப்பு. இயேசு கிறிஸ்துவின் வாழ்க்கை வரலாற்றில் அத்தகைய மனநல குறைவுகள் எதுவும் இல்லை. அவர் இறுதி வரை ஒரே போதனையில் நிலைத்து இருந்தார். கண்ணியமாக நடந்து கொண்டு, பல மக்களிடத்தில் நற்பெயர் பெற்றார்

ஆக, ஒரு நல்ல மனிதர் என்ற இடைநிலையில் வைப்பதோ, சீஷர்களைக் குற்றஞ் சொல்வதோ, மனநலம் பாதிக்கப்பட்ட நபராக கருதுவது பொருந்தாது. எனவே, இயேசு தன்னைக் குறித்து சொன்னவை உண்மையா? என்ற கேள்வி எழுந்தால் அதற்கு இரண்டே பதில்கள் தான். ஒன்று, அவர் பொய் சொல்லி இருக்க வேண்டும் அல்லது அவர் சொன்ன வார்த்தைகள் எல்லாம் சத்திய வார்த்தைகளாக இருக்க வேண்டும்.

இயேசு கடவுளா? ஆதாரங்கள் என்னென்ன?
ஒரு மனிதர் தன்னைக் குறித்து சொல்லிக் கொள்வது எளிது. ஆனால், அவர் தன்னைக் குறித்து சொன்ன வார்த்தைகளை மக்களிடம் நிருபித்து காட்டினாரா என்பது அவசியம். இயேசு கிறிஸ்து தன்னைக் கடவுளாகச் சித்தரித்து மக்களை வியக்க வைத்தார். அதற்காக கொலையுண்டார். ஆனால், அவரது வார்த்தைகள் உண்மைதான் என்பதை நிருபித்து காட்டினாரா?

அற்புதச் செயல்கள்
தன் வார்த்தையின் உண்மையை எளிமையாய் எடுத்துக் காட்டினார் இயேசு, அவரது அற்புதச் செயல்கள் அவரது வார்த்தைகளுக்கு அத்தாட்சிகளாக அமைந்தன. அதனை உணர்த்தியே இயேசு, "என் பிதாவின் கிரியைகளை நான் செய்யாதிருந்தால், நீங்கள் என்னை விசுவாசிக்க வேண்டியதில்லை. செய்தேனே ஆகில், நீங்கள் என்னை விசுவாசியாதிருந்தாலும், பிதா என்னிலும் நான் அவரிலும் இருக்கிறதை நீங்கள் அறிந்து விசுவாசிக்கும்படி அந்தக் கிரியைகளை விசுவாசியுங்கள்" என்று சொன்னார்.

பரிசுத்த குணமும் தூய வாழ்வும்
"என்னிடத்தில் குற்றம் உண்டென்று உங்களில் யார் என்னை குற்றப்படுத்தக் கூடும்?" என்று மக்களைப் பார்த்து கேட்கும் அளவிற்கு இயேசுவின் வாழ்க்கை பரிசுத்தமாக இருந்தது. அவர் இவ்வாறு கேட்ட போது, அவருக்கு எதிராக குற்றஞ் சொல்ல எந்த மனிதனும் துணியவில்லை. தன் சீஷர்களை பாவ மன்னிப்பு கேட்கச் சொன்னாலும், இயேசு பாவ மன்னிப்பு கேட்க‌வில்லை. பிறப்பு முதலே மனிதன் பாவியாய் இருக்கிறான் என்று யூதம் திட்டமாய்ச் சொல்கிறது. ஆனால், யூதகுலத்தைச் சேர்ந்த அவரது சீஷர்கள், இயேசு கிறிஸ்து பாவமற்றவர் என போதித்தனர். இயேசு குற்றம் சாட்டப்பட்டவராய் நின்ற போதிலும் பிலாத்து, "இவரிடத்தில் எந்த குற்றமும் காணேன்" என்று சொல்லி கைகழுவினான். இயேசு கிறிஸ்துவின் வாழ்வெல்லாம் பரிசுத்தம், தூய்மை.

இயற்கை அடிபணிந்தது
குருடரின் கண்களைத் திறந்தார், குஷ்டரோகிகள் சுத்தமானார்கள், முடவர்கள் நடந்தனர். இயேசு கிறிஸ்து தன்னிடத்தில் வந்த, கொண்டு வரப்பட்ட பிணியாளிகள் எல்லாரையும் சுகமாக்கினார். இதனை அன்றைய யூதர்களும் மறுக்கவில்லை. இயேசு பிறவிக் குருடனை குணமாக்கின போதும், மரித்த லாசருவை எழுப்பின போதும், "பிறவிக் குருடனின் கண்களை மனிதனால் திறக்கக் கூடுமோ?" என்றார்கள், "இதோ உலகமே அவன் பின்னால் போயிற்றே" என்று வியப்புக்குள்ளானர்கள். இயற்கை அவரது அடிபணிந்தது, காற்றையும் புயலையும் தன் வார்த்தையால் அமைதியாக்கினார். கற்பாறை போல கடல் நீர் மேல் நடந்தார், "காற்றும் கடலும் இவரது வார்த்தைக்கு கீழ்ப்படிகிறதே, இவர் எப்படிப்பட்டவரோ!" என்று அவரது சீஷர்கள் தங்களுக்குள் சொல்லிக் கொண்டார்கள்.

உயிரோடிக்கிற தேவன்

இயேசு கிறிஸ்துவின் வார்த்தைகளுக்கு முக்கிய அத்தாட்சி அவரது உயிர்த்தெழுதல். தன்னை கொலை செய்வார்கள் என்றும், மரித்த மூன்றாம் நாளில் தன் உயிர்த்தெழுதல் நிகழும் என்றும் இயேசு தன் சீஷர்களிடம் கூறியிருந்தார். ஐந்து முறை அவர் இவ்வாறு கூறினார். இத்தகைய வாக்குறுதிகள் சீஷர்கள் மத்தியில் அவிசுவாசத்தை எழுப்பும், இருப்பினும் இயேசு தயங்காமல் வாக்களித்தார். இதுவே அவரது தெய்வீகத்துக்கு முக்கிய பரீட்சை. இயேசு சொல்லியபடி உயிர்த்தெழாவிட்டால், அவரது போதனைகள், அவருக்காக விடப்பட்ட‌ உயிர்கள், சீஷர்கள் பட்ட பாடுகள், சுவிசேஷப் பணிகள், இரத்த சாட்சிகள் என எல்லாமே வீண். ஆனால், அவர் சொல்லியபடி உயிர்த்தெழுந்தால், அவர் சொல்லிய பிற வார்த்தைகள் எல்லாம் சத்திய வார்த்தைகள், நம் நம்பிக்கை முழுவதும் பெற்றுக்கொள்ள தகுதியான வார்த்தைகள், நித்திய ஜீவனை அடைய அவர் காட்டிய வழிகளே உண்மையானவை. இதனையே, "கிறிஸ்து எழுந்திருக்கவில்லை என்றால், எங்கள் பிரசங்கமும் விருதா, உங்கள் விசுவாசமும் விருதா" என்றார் பவுல். இயேசு உயிர்த்தெழுந்தாரா?

இயேசு அற்புதம் பல செய்திருக்க, அவர் நினைத்திருந்தால் சிலுவை மரணத்தை எளிதாய் தவிர்க்க முடியும். ஆனால் இயேசு தன் சிலுவை மரணத்தை தவிர்க்கவில்லை. போர்ச் சேவகர் இயேசுவைக் கைது செய்யும் போது, பேதுரு அவர்களை எதிர்த்து பட்டயம் எடுத்தார். அப்பொழுது இயேசு, "உன் பட்டயத்தை திரும்ப அதின் உறையிலே போடு; பட்டயத்தை எடுக்கிற யாவரும் பட்டயத்தால் மடிந்து போவார்கள். நான் இப்பொழுது என் பிதாவை வேண்டிக் கொண்டால், அவர் பன்னிரண்டு லேகியோனுக்கு அதிகமான தூதரை என்னிடத்தில் அனுப்பமாட்டார் என்று நினைக்கிறாயா? அப்படிச் செய்வேனானால், இவ்விதமாய்ச் சம்பவிக்க வேண்டும் என்கிற வேதவாக்கியங்கள் எப்படி நிறைவேறும்" என்றார். அவர் சொல்லியபடி சிலுவை மரணம் நிறைவேறியது. சீலைகளை வாசனைத் தைலத்தில் நனைத்து அவரது உடலைச் சுற்றி கட்டி கல்லறையில் கிடத்தினார்கள். இயேசு உயிர்த்தெழப் போவதாய் வாக்களித்திருந்ததால் அவரது கல்லறை மீது அரசு முத்திரை போடப்பட்டது. கல்லறைக்கு காவல் வைத்தனர்.

இவை அனைத்தையும் கடந்து மூன்றாம் நாள் அதிகாலை வேளையில், அவரது சரீரம் அக்கல்லறையில் இல்லை. இச்செய்தி அப்பகுதிகளில் பரவத் தொடங்கியது. சிலர் இயேசு சிலுவையில் உயிர் இழக்கவில்லை, அவர் சுய நினைவற்று இருந்தது அறியாமல் அடக்கம் செய்யப்பட்டிருப்பார் என்று கருதுகின்றனர். இதனை மூர்ச்சைக் கோட்பாடு என்பார்கள். ஆனால், சிலுவையில் அறையப்பட்ட இயேசு உயிர் இழந்தாரா என அவரது விலாவில் குத்தி சோதித்தனர். அவர் இறப்பு முதலில் உறுதி செய்யப்பட்ட பிறகே உடல் கல்லறையில் வைக்கப்பட்டது. அதோடு, கல்லறையில் வைக்கப்பட்ட இயேசு தன் வேதனைகளை மீறி கல்லறையின் கல்லைப் புரட்டி சேவகரைக் கடந்து வருவது இயலாத காரியம். மூர்ச்சைக் கோட்பாடு அர்த்தமற்றதாகும். சிலர், இயேசுவை இழந்த துக்கத்தில் இருந்த பெண்கள், வழி தவறி வேறு கல்லறைக்கு சென்றிருக்கக் கூடும் என்கின்றனர். பெண்கள் கல்லறை மாறிச் சென்றதாக எடுத்துக் கொண்டாலும், யூதர்கள் சரியான கல்லறைக்குச் செல்ல முடியும். இயேசுவின் உடலை எடுத்து உயிர்த்தெழுதலை எளிமையாக மறுத்திருக்கலாம். ஆனால் அவர்கள், இயேசுவின் சரீரத்தை அவரது சீஷர்களே களவாடிவிட்டு, கிறிஸ்து உயிர்தெழுந்தார் என பொய்யுரைப்பதாக கூறினார்கள். யூதர்களின் வார்த்தையில் இருந்தே, இயேசுவின் சரீரம் கல்லறையில் இல்லை என்பது தெளிவாகும். அடுத்ததாக, காவல் பணியின் போது உறங்கும் சேவகர்களுக்கு அக்காலத்தில் மரண தண்டனை விதிக்கப்பட்டது. காவலாளிகளை மீறி சரீரத்தைக் கொள்ளையிடுவது எளிதல்ல.

காலியான கல்லறை சீஷர்களுக்கு போதுமான விசுவாசத்தைத் தந்ததா? இல்லை. அதனால் அவர்கள் இயேசு உயிர்த்தெழுந்தார் என்று விசுவாசிக்கவில்லை. அவர்களது விசுவாசத்தை எழுப்ப, உயிர்தெழுந்த இயேசு பல முறை காட்சி அளிக்க வேண்டியிருந்தது. ஒருமுறை அவர் காட்சியளித்த போது, சீஷர்களில் ஒருவரான தோமா அவ்விடத்தில் இல்லை. அவர் வந்த பிறகு, மற்ற சீஷர்கள் இயேசு அளித்த காட்சி குறித்து அவரிடம் கூறினார்கள். ஆனால் தோமா அப்போதும் விசுவாசிக்க மறுத்தார். தன் கைகளால் அவரை தொட்டால் ஒழிய தான் இயேசுவின் உயிர்தெழுதலை நம்பப்போவதில்லை என்றார். அவர்களது விசுவாசத்தைப் பெற நாற்பது நாட்களாக இயேசு இவ்வுலகில் இருக்க வேண்டியதாயிற்று. அதன் பின்பே அவர் பரமேறிச் சென்றார். இச்சங்கதிகளை எல்லாம் சீஷர்கள் சாட்சியாக அறிவிக்க தொடங்கினார்கள். சீஷர்களின் சாட்சி மெய்யா? 

சத்தியத்திற்காக எந்த மனிதனும் உயிரிழக்கத் துணிவான், ஆனால் மனமறிந்த ஒரு பொய்க்காக எந்த மனிதனாலும் இறுதிவரை நிலையாய் நிற்க முடியாது, அப்பொய்க்காக பாடுகள்படவும் உயிரிழக்கவும் மனம் வராது. ஓரிரண்டு வருடங்கள் அல்ல, இறப்பு வரை சீஷர்கள் தங்கள் சாட்சியில் உறுதியாய் நின்றார்கள். கொலை செய்யப்பட்டாலும், கல்லெறியப்பட்டாலும், வேதனை படுத்தப்பட்டாலும், புறக்கணிக்கப்பட்டாலும், நாடு கடத்தப்பட்டாலும் அவர்கள் தங்கள் நிலையில் இருந்து ஒரு தருணமும் பின்வாங்கவில்லை. இறுதிவரை சாட்சியாய் நின்று, இயேசு கிறிஸ்துவை போதித்தனர். அரச தடையை மீறி கிறிஸ்துவை போதித்த குற்றத்திற்காக கொடூரமாக கொலை செய்யப்பட்டனர். அந்த நேரமும் அவர்கள் சாட்சி வழுவில்லை. அவர்களுக்குப் பின் அவர்கள் சீஷர்கள் உறுதியாய் நின்றனர், கொலை செய்யப்பட்டனர், திருச்சபைகள் பெருகின, யூத சடங்காச்சாரங்கள் வீழ்ந்தன‌, கிரேக்க மார்க்கங்கள் உருதெரியாமல் போயின, இறுதியாக இயேசுவின் போதனைகளால் ரோம சாம்ராஜ்ஜியமே கவிழ்ந்தது. இவை எல்லாம், ஒரு குறுகிய காலத்தில் நிறைவேறி முடிந்தன! இன்றும் இயேசு கிறிஸ்துவின் உயிர்தெழுதல் உலகமெங்கும் கொண்டாடப்பட்டு வருகிறது...

இது உங்கள் நேரம்...
இயேசு ஏன் இத்தனை பாடுகள் படவேண்டும்? உங்களுக்காகத் தான்! உங்கள் அன்பை பெறவே அவர் இத்தனை இன்னல்களையும் மேற்கொண்டார். கடவுளை நமக்கு அடையாளம் காட்ட, நாம் கடவுளை அறிந்து கொள்ள ஒரு மகத்தான வாழ்க்கையை நம் முன்னே விட்டுச் சென்றார். இயேசு சொன்னார், நான் உங்களுக்கு ஜீவன் உண்டாயிருக்கவும், அது பரிபூரணப்படவும் வந்தேன்... அவரது கரங்களில் நம்மை அர்ப்பணிக்கும் போது, நம் வாழ்வு அர்த்தம் பெறும், "இதோ, வாசற்படியிலே நின்று தட்டுகிறேன்; ஒருவன் என் சத்தத்தைக்கேட்டு, கதவைத் திறந்தால், அவனிடத்தில் நான் பிரவேசிப்பேன்" என்கிறார். அவரது சத்தத்திற்கு நீங்கள் செவி கொடுங்கள், இந்த நேரமே அவர் உங்களுக்குள் பிரவேசிப்பார். உங்கள் வாழ்வு புதிதாகும், பாவம் மன்னிக்கப்படும், பரலோக வாசல் திறக்கும், நித்திய ஜீவன் உண்டாகும்...

வாழ்த்துக்கள்...

(கிறிஸ்து அறிமுகப்பதிவு 2)

தனித்து விளங்கும் பரிசுத்த வேதாகமம்!

உலகின் வேறெந்த வேதங்களைக் காட்டிலும், தன் எழுத்திலும் சரித்திரச் செரிவிலும் தனித்து விளங்குவது பரிசுத்த வேதாகமமே...

பரிசுத்த வேதாகமத்தின் வரலாறு

1500 ஆண்டுகளாக 40 ஆசிரியர்களால் எழுதப்பட்ட வேதம் பைபிள். 66 நூல்களை தன்னுள் கொண்டுள்ளது. பைபிளைப் படிக்கும் போதே, பிற பழங்கால நூல்களில் இருந்து அதன் எழுத்துநடை வேறுப்பட்டு விளங்குவதை அறிய இயலும். தன் செய்திகளையும், கதாப்பாத்திரங்களையும், காலங்களையும் சரித்திர பிண்ணனிக் கொண்டு விளக்குவதாக தன் எழுத்து நடையை பெற்றள்ளது. இன்று வரை அச்சம்பவங்களை சரித்திரவான்களும், தொல்பொருள் ஆராய்ச்சியாளர்களும் தொடர்ந்து உறுதிப்படுத்தி வருகின்றனர்.

ஆசிரியர்களின் தனிப்பட்ட எழுத்து ந‌டையினாலும் அவர்கள்தம் கதாப்பாத்திரங்களாலும், தான் யார் என்பதையும், தன்னை அறிவது எப்படி என்பது குறித்தும் கர்த்தர் தெளிவாக விளக்கியுள்ளார். நாற்பது நபர்களால் 1500 ஆண்டு கால இடைவெளியில் இயற்றப்பட்ட நூலாயினும், ஒரே கருப்பொருளையே பைபிள் அழுத்திச் சொல்கிறது. நம்மை சிருஷ்டித்தவர் நம்மோடு உறவு பாராட்ட விரும்புகிறார், நாம் அவரை அறிந்துகொண்டு விசுவாசிக்க அழைக்கிறார். இதுவே அதன் 66 நூல்களின் மையச்செய்தி.

பைபிள் நம்மை ஈர்ப்பதாக மட்டும் அல்ல, அது கடவுளையும் அவர் நமக்காக வைத்துள்ள நித்திய ஜீவனையும் நம்மிடம் விளக்கிக் கூறும் நூலாகும். அன்பும் அர்த்தமும் மிகுந்த நல்ல வாழ்வுக்கு ஒரு வழிகாட்டி. கடவுளின் வழியிலும் பெலத்திலும் வாழ, அவரது அன்பை அன்றாடம் ருசிக்க பைபிள் நம்மை உற்சாகப்படுத்துகின்றது. கடவுளின் கரம் பதிந்த நூல் தான் பைபிள். அதன் சரித்திரச் செரிவையும், சத்திய வார்த்தைகளையும் தலைப்பு வாரியாக இப்போது காணலாம்.

1. தொல்பொருள் ஆராய்ச்சிக்கு உதவுகின்ற பைபிள்
இந்த நாள் வரை, தொல்பொருள் ஆராய்ச்சிக்கு பைபிள் உதவிக்கரம் கொடுத்து வருகிறது. அகழ்வாராய்ச்சி மூலம் கண்டு கொள்ளப்பட்ட அரசர்கள், சாம்ராஜ்ஜியங்கள், பட்டணங்கள், பண்டிகைகள் போன்ற பல சரித்திர தடயங்களை பைபிள் உறுதி செய்கிறது. ஆம், இக்கண்டுபிடிப்புகள் நிகழ்கின்ற வரை, அந்த‌ நபர்களையும், இடங்களையும் சரித்திரம் ஏற்றுக் கொள்ளவில்லை. ஆனால், இக்கண்டுபிடிப்புகளுக்கு முன்பிருந்தே அந்நபர்களுக்கும் இடங்களுக்கும் பைபிள் சரித்திர அடையாளம் கொடுத்து வந்தது. உதாரணத்திற்கு, பெதஸ்தா குளத்தை எடுத்துக் கொள்ளலாம். எருசலேமின் ஆட்டுவாசல் அருகே எபிரேய பாஷையில் பெதஸ்தா என சொல்லப்பட்ட குளம் ஒன்று இருந்ததாகவும், அதற்கு ஐந்து மண்டபங்கள் இருந்தன என்றும் பைபிள் கூறுகிறது (யோவான் 5:2). அத்தகைய குளம் எதுவும் எருசலேமில் இருந்ததில்லை என சரித்திரவான்கள் கூறி வந்தனர். ஆனால், அகழ்வராய்ச்சியர்களால் நாற்பது அடிகளுக்கு கீழ் புதைந்து கிடந்த குளம் ஒன்றும், அதனை சுற்றி ஐந்து மண்டபங்களும் பிற்காலத்தில் க‌ண்டுபிடிக்கப்பட்டது. அவர்கள் கண்டுபிடித்த குளம் பெதஸ்தா என்பதை பைபிளைக் கொண்டு உறுதி செய்தனர்.

பெதஸ்தா குளம்

இதுபோன்று பல சரித்திரச் செய்திகளை பைபிள் கொண்டிருக்கிறது. அவற்றில் ஒவ்வொன்றாக அகழ்வராய்ச்சியாளர்கள் கண்டு பிடித்து வருகின்றனர். இன்றுவரை, அகழ்வாய்வால் கண்டுபிடிக்கப்பட்ட எந்த தொல்பொருள் தடயமும் பைபிளுக்கு வேறுப்பட்டு இல்லை. குறிப்பாக, புதிய ஏற்பாட்டில் லூக்கா எழுதின சுவிசேஷமும், அப்போஸ்தலர் நடபடிகள் புஸ்தகமும் முதல் நூற்றாண்டின் சரித்திரச் செய்திகள் பலவற்றை துல்லியமாக எடுத்துரைக்கிறது. லூக்கா 32 தேசங்களையும், 54 நகரங்களையும், 9 தீவுகளையும் துல்லியமாக கூறியுள்ளார். லூக்காவின் சரித்திர வளமையை இன்று வரை சரித்திரவான்கள் மெச்சி வருகின்றனர். முதல் நூற்றாண்டின் தலைசிறந்த வரலாற்று ஆசிரியராக அவரைப் புகழ்வோரும் உண்டு.

அது மட்டமல்ல, தவறான சரித்திரச் செய்திகள் பலவற்றோடு போரிட்ட நூலாகவும் பைபிளை எடுத்துக் கொள்ளலாம். மோசேயின் காலத்தில் பைபிளின் முதல் ஐந்து ஆகமங்கள் எழுதப்பட்டிருக்க வாய்ப்பே இல்லை எனவும், அக்கால மத்திய கிழக்குப் பகுதிகளில் எழுத்துமுறை நடைமுறையில் இல்லை எனவும் சரித்திரவான்கள் பல காலமாக கூறி வந்தனர். ஆனால், அகழ்வாராய்ச்சியாளர்களால் கண்டுபிடிக்கப்பட்ட கருங்கல் ஒன்று இந்த தவறான கூற்றை முற்றிலுமாக அழித்துவிட்டது. ஹமுராபி என்ற பாபிலோனிய அரசர் விதித்த சில சட்டங்கள் இக்கல்லில் காணப்படுகின்றன‌. இது மோசே வாழ்ந்த‌ காலத்தை விட 300 ஆண்டுகள் பழமையானது! எனவே மோசே வாழ்ந்த காலத்தில் எழுத்துமுறை நடைமுறையில் இருந்ததை சரித்திரவான்கள் அறிந்து கொண்டனர். இவ்வாறு பல சரித்திர கண்டுபிடிப்புகளை உறுதி செய்ய பைபிள் இந்த நாள் வரை அகழ்வாராய்ச்சிகளுக்கு உதவி வருகிறது. இவைகளைக் குறித்து புதிய பதிவுகளில் ஒவ்வொன்றாக காணலாம்.

2. மூவாயிரம் ஆண்டுகளாய் நிலைத்து நிற்கும் பைபிள்
பைபிள் இயற்றப்பட தொடங்கியது முதல் இந்நாள்வரை 3500 ஆண்டுகளுக்கு மேலாகிவிட்டது. அக்காலத்தில் அச்சு இயந்திரங்கள் இருந்ததில்லை. கைகளால் தோல்ச்சுருள்களிலும், பாப்பிரஸ் ஓலைகளிலும், துணி, தகடு போன்ற பொருட்களிலும் அதன் செய்திகளை பாதுகாத்து வந்தனர். பழைய பிரதிகள் இத்துப் போய்விட காலங்காலமாக புதிய பிரதிகள் எடுப்ப‌து அவசியமாய் இருந்தது. அச்சு இயந்திரங்கள் கண்டுபிடிக்கப்படும் வரை இவ்வாறே பைபிள் பாதுகாக்கப்பட்டு வந்தது. இது தவிர, இயேசு கிறிஸ்து பிறப்பதற்கு முந்திய காலங்களில் இருந்தே பைபிளின் பழைய ஏற்பாட்டு நூல்களை கிரேக்கம், அரமாயிக் போன்ற பிற மொழிகளில் மொழி பெயர்க்க முயற்சிகள் மேற்கொண்டனர். இவ்வாறு ஆயிரம் ஆயிரம் ஆண்டுகளாக பல்வேறு பிரதிகளையும், மொழிப்பெயர்ப்புகளையும் மேற்கொண்டு வந்ததால் பைபிள் காலப்போக்கில் கறைப்பட்டிருக்கும் என கருதுவோர் சிலர் உண்டு. ஆனால், பைபிள் இன்றும் நம்மிடம் இருந்த வண்ணமாகவே வந்துள்ளது.

பழைய ஏற்பாட்டின் மிகப்பழமையான பிரதிகள் சவக்கடல் அருகே உள்ள கும்ரான் குகைகளில் இருந்து 1950களில் கண்டுபிடிக்கப்பட்டன. இது சரித்திரத்தையே அதிர வைத்த ஒரு கண்டுபிடிப்பு என்று சொல்லலாம். இப்பிரதிகள் இயேசு கிறிஸ்துவிற்கும் முந்நாறு ஆண்டுகள் பழமையானவை! சவக்கடல் சுருள்களை கணக்கில் விட்டால், பழைய ஏற்பாட்டுக்கான பிரதிகள் ஆயிரம் ஆண்டுகால இடைவெளிக்கு பின்பே கிடைக்கின்றன. சவக்கடல் சுருள்களையும், ஆயிரம் ஆண்டுகளுக்கு பின்பு எழுதப்பட்ட பிரதிகளையும் ஒப்பிட்ட போது அவைகள் 99.5% செய்திகள் சிதையாது இருந்தன! மீதமுள்ள 0.5% வேறுபாடுகள் ஒரே சில எழுத்துப் பிழைகளே. கருப்பொருளில் எவ்வித மாற்றமும் இல்லை. இது பழைய ஏற்பாடு அற்புதமாக பாதுகாக்கப்பட்டு நம் கரங்களுக்கு வந்ததை உறுதி செய்தது.

புதிய ஏற்பாட்டை கணக்கில் கொண்டால், அது இன்னும் நிலைத்து நிற்கிறது. புதிய ஏற்பாட்டை விட சரித்திரத்தில் பாதுகாக்கப்பட்ட நூல் அக்காலத்தில் எதுவுமே இல்லை. புதிய ஏற்பாடுக்கென அக்காலத்தைச் சார்ந்த ஆயிரமாயிரம் பிரதிகளே இன்றுவரை நம்மிடம் உள்ளன. பிளேட்டொ, அரிஸ்டாட்டில், ஹோமர் ஆகியோரது நூல்களைவிட புதிய ஏற்பாடு எழுதப்பட்ட வண்ணமே நம்மிடம் வந்துள்ளது.

3. இயேசுவின் வாழ்வை எடுத்துரைக்கும் பைபிள்
இயேசு கிறிஸ்து பரமேறிச் சென்று 20 ஆண்டுகளுக்குப் பிறகு புதிய ஏற்பாட்டின் நூல்கள் எழுதப்பட்டன. ஏனெனில் அக்காலங்களில் அதற்கான தேவை இருந்தது இல்லை. எருசலேமிலும் இஸ்ரவேலின் பிற பகுதிகளிலும் தான் சீஷர்கள் முதலவதாக போதித்து வந்தனர். இஸ்ரவேல் மக்கள் இயேசுவைக் குறித்து நன்கு அறிந்திருந்ததால், அவரது வாழ்க்கை வரலாறு அடங்கிய ஒரு நூல் தேவைப்படவில்லை. பின்பு, சீஷர்கள் இஸ்ரவேலரை விட்டு பிற இனத்தவர்களிடம் போதிக்க வந்த‌வுடன், அதற்கான தேவைகள் எழுந்தன. எல்லா இடங்களுக்கும் நினைத்து நேரங்களில் சென்று நற்செய்தியை அறிவிக்க சீஷர்களால் கூடாமற் போயிற்று. எனவே, இயேசு கிறிஸ்துவின் வாழ்வை விளக்கும் சுவிசேஷ புத்தகங்களையும், கிறிஸ்தவ விசுவாசத்தை தெளிவுப்படுத்தும் மடல்களையும் இயற்றி புழக்கத்தில் விட்டனர். அதில் நால்வர் இயேசு கிறிஸ்துவின் தூய வாழ்வை சரித்திர நூல்களாக‌ எழுதிக் கொடுத்தனர். இவைகளை சுவிசேஷங்கள் என்கிறோம், புதிய ஏற்பாட்டின் முதல் நான்கு நூல்களாக அவை அமைந்தன. இந்த நூல்களின் உண்மையை எவ்வாறு அறியலாம்?

உதாரணத்திற்கு, ஒரு மனிதரின் வாழ்க்கை வரலாறு பற்றிய உண்மையை அறிய சரித்திரவான்கள் சில‌ முயற்சிகளை மேற்கொள்ளுவார்கள். அதாவது, அந்த மனிதரைப் பற்றி எந்தெந்த நூல்கள் செய்திகள் கொண்டுள்ளன? அவைகளுள் எச்செய்திகள் எல்லாம் பொதுவாக அமைந்துள்ளன? என ஆராய்ந்து பார்ப்பார்கள். எடுத்துகாட்டாக அசோகரது வாழ்வை கணக்கில் எடுத்துக் கொள்ளலாம். அசோகரது வாழ்வைப் பற்றி 6 நூல்கள் நம்மிடம் உள்ளன என வைத்துக் கொள்வோம். ஐந்து நூல்கள் அவர் பாரதத்தை அரசாண்ட ஒரு மன்னராக எடுத்துரைக்கின்றன. மற்றொரு நூல் அவரை ரோம தேசத்தில் வாழ்ந்த ஒரு ஓவியராக எடுத்துக் கூறுகிறது. இவ்வேளையில் சரித்திரத்தை ஆராய்பவர் அசோகரை மன்னராகவே ஏற்றுக்கொள்வார். அவ்வாறே இயேசு கிறிஸ்துவைப் பற்றி பொதுவானச் செய்திகளைக் கூறும் நான்கு நூல்கள் நம்மிடம் உள்ளன. சுவிசேஷங்கள் கூறும் பொதுவான செய்திகளில் சிலவற்றைக் காணலாம்.

படத்தைப் பெரிதாக்க கிளிக் செய்க‌

நான்கு சுவிசேஷங்களுள் இரண்டு அப்போஸ்தலர்களான மத்தேயுவினாலும், யோவானாலும் எழுதப்பட்டவை. இருவரும் இயேசு கிறிஸ்துவோடு மூன்று ஆண்டுகளாக பயணித்த சீஷர்களாவர். மற்ற இரண்டு நூல்களை எழுதின மாற்கும் லூக்காவும் அப்போஸ்தர்களோடு நெருங்கிய நட்பு கொண்டிருந்தனர். நற்சாட்சி பெற்றவர்களால் எழுதப்பட்ட இந்த நான்கு நூல்களையும் ஆதிதிருச்சபை போதித்து வந்தது. இச்சுவிசேஷங்கள் ஒற்றுமையில் மிகுந்திருப்பது மட்டுமின்றி சரித்திரத்தையும் உறுதிப்படுத்தி வருகின்றன.

4. சரித்திரவான்களால் சாட்சி பெற்ற பைபிள்
அற்புதம் பல செய்திட்ட நசரேயனாகிய இயேசு ரோமர்களால் சிலுவையில் அறையப்பட்டார் எனவும், உயிர்தெழுந்தார் எனவும் பைபிள் சொல்கிறது. இச்செய்தியை அக்கால சரித்திரவான்கள் பலர் தங்கள் நூல்களில் மேற்கோளிட்டுள்ளனர். அவற்றில் சிலவற்றைக் காணலாம். முதல் நூற்றாண்டைச் சார்ந்த கொர்நலியஸ் தாத்திசு அக்கால சரித்திரவான்களில் பெயர் பெற்ற ஒருவர். வரலாற்று ஆசிரியர்களால் மிகவும் நம்பதக்கவராக கருதப்படுகிறார். "வரலாற்றுக் குறிப்புகள்" என்ற நூலில் அவர் குறிப்பிட்டுள்ள சில வரிகளைக் காணலாம். "தானே உரோமைக்குத் தீ வைத்ததாக உலவிய செய்தியை மறைப்பதற்காக நீரோ இழிந்தவர்களாக மக்களால் கருதப்பட்ட ஒரு குழுவினர்மீது பழியைப் போட்டார். அவர்களை மிகக் கொடுமையான வதைகளுக்கு ஆளாக்கினார். அவர்கள் தாம் கிறெஸ்தவர்கள் என்று பொதுமக்களால் அழைக்கப்பட்டவர்கள். கிறிஸ்து என்பவரின் பெயரிலிருந்து அவர்களுக்கு இப்பெயர் வந்தது. அந்தக் கிறிஸ்து திபேரியு ஆட்சிக் காலத்தில் நம் ஆளுநர்களில் ஒருவராகிய பொந்தியு பிலாத்து என்பவரின் ஆளுகையின் கீழ் மிகக் கொடிய விதத்தில் தண்டிக்கப்பட்டார். அப்போது எழுந்த கேடுநிறைந்த மூடநம்பிக்கை சிறிது காலம் அடக்கிவைக்கப்பட்டது; ஆனால் மீண்டும் யூதேயாவில் பரவ ஆரம்பித்தது. அத்தீங்குக்குத் தோற்றிடமான அங்கிருந்து உரோமையிலும் பரவியது. உலகத்தின் எந்த மூலையிலிருந்தும் பிறக்கின்ற வெறுக்கத்தக்க, வெட்கக்கேடான எல்லாமே உரோமையில் குடிகொண்டு பரவுவது வழக்கம்தானே". தாத்திசு சிலை வணக்கம் செய்தவர், அக்காலத்தில் கிறிஸ்தவம் மிக வேகமாக மக்களால் ஏற்றுக் கொள்ளப்பட்டு வந்தது. அதனால், ஒரு வித வெறுப்பைத் தாத்திசு கொண்டிருந்தார். அவர் தன் வசைமொழிகளால் கிறிஸ்தவ நம்பிக்கைகளை இகழ்ந்து எழுதிய இந்த வரிகளே பைபிளிற்கு புறம்பே இருந்து இயேசுவிற்கு கிட்டும் முக்கிய ஆதாரங்களில் தலைசிறந்ததாக ஏற்றுக் கொள்ளப்படுகிறது.

ஜோசபஸ்

யூத சரித்திர ஆசிரியரான பிளாவியஸ் ஜோசபஸ் இயேசுவைப் பற்றி யூதமரபு வரலாறு என்ற தனது நூலில் தெரிவித்துள்ளார். "அச்சமயம் இயேசு என்னும் பெயருடைய ஞானி ஒருவர் இருந்தார். அவர் நன்னடத்தையும் நற்பண்பும் கொண்ட மனிதர். யூதர்களும் பிற நாடுகளைச் சார்ந்தவர்களுமான பல மக்கள் அவருடைய சீடர்களாக மாறினர். சிலுவையில் அறையப்பட்டு கொல்லப்படும்படி பிலாத்து அவருக்குத் தீர்ப்பு வழங்கினான். அவருடைய சீடர்களாக மாறியிருந்தவர்கள் அவரைப் பின்பற்றுவதைக் கைவிட்டுவிடவில்லை. சிலுவையில் அறையுண்டு இறந்தபின் அவர் மீண்டும் உயிர்பெற்றவராக அவர்களுக்குக் காட்சியளித்ததாக அவர்கள் கூறினார்கள். எனவே, அவரே ஒருவேளை இறைவாக்கினர்களால் முன்னறிவிக்கப்பட்ட அதிசயம் வாய்ந்த மெசியாவாக இருக்கலாம்."

இவைகளோடு சுடோனியஸ், பிலைனி, தாலஸ் போன்ற பிற முதல் நூற்றாண்டு சரித்திரவான்களும் இயேசுவைக் குறித்தும் கிறிஸ்தவ வழிபாட்டை குறித்தும் தங்கள் நூல்களில் குறிப்பெழுதி இருக்கின்றனர். யூத சடங்காச்சாரங்கள் அடங்கிய‌ தால்மத்திலும் இயேசு கிறிஸ்துவை இகழ்ந்து சில வாக்கியங்கள் எழுதப்பட்டிருக்கின்றன. இவை எல்லாம் சுவிசேஷங்களுக்கு மேன் மேலும் சாட்சிக் கொடுக்கின்றன. அக்காலங்களில், சரித்திரவான்கள் மன்னர்களையும், அரசு அதிகாரிகளையுமே தங்கள் நூல்களில் எழுதி வந்தனர். ஏதோ ஒரு தூர தேசத்தில் கொல்லப்பட்ட ஒரு ஏழை தட்சரைக் குறித்து எழுத வேண்டிய அவசியம் உண்டானதென்ன? ரோமர்கள், கிரேக்கர்கள், யூதர்கள் என பல தேசங்களில் சிதறிக் கிடந்த மக்கள் இயேசுவைப் பற்றி எழுத வேண்டியதேன்? தன் போதனைகளாலும், அற்புத செயல்களினாலும், நற்பெயராலும் மக்கள் மனதில் அவர் இடம் பெற்றிருந்ததே அதன் காரணம். மூன்றே ஆண்டுகளில் இத்தனைப் பெரிய காரியத்தைச் செய்த இயேசு அற்புதமானவரே...

5. சிந்திக்கத் தூண்டும் பைபிள்
பைபிள் நம்பிக்கை வைக்க ஏற்ற நூல். அதினிடையே உள்ள முரண்பாடுகளாக சில வசனங்கள் எடுத்துக் கூறுப்படுகிறது. உண்மையில் முரண்பாடுகளாக எடுத்துக் கூறப்படும் அந்த வசனங்கள் தான் நம்மை மேன் மேலும் நம்பிக்கைக் கொள்ளச் செய்கின்றன. எனவே, இத்தகைய எழுத்து நடைக்காக நாம் கடவுளுக்கு நன்றி தான் செலுத்த வேண்டும். ஒரு சில உதாரணங்களைக் காணலாம். இயேசுவை சிலுவையில் அறைந்த போது, அவரது சிலுவையின் மேல் சில வசை மொழிகளை எழுதி வைத்தனர். இதை மூன்று சுவிசேஷங்கள் கூறுகின்றன.

மத்தேயு 27:37 இவன் யூதருடைய ராஜாவாகிய இயேசு என்று எழுதி, அவர் சிரசுக்கு மேலாக வைத்தார்கள்.

மாற்கு 15:26 யூதருடைய ராஜா என்று எழுதி, சிலுவையின் மேல் கட்டினார்கள்.

யோவான் 19:19 அதில் நசரேயனாகிய இயேசு யூதருடைய ராஜா என்று எழுதியிருந்தது.

இதனை முரண்பாடாக ஏற்றுக் கொள்ளலாமா? அப்படியல்ல. இவை பைபிளின் நம்பகத்தன்மைக்கு இன்னும் சிறப்பு சேர்க்கின்றன. இந்த மூன்று சுவிசேஷங்களை எழுதின ஆசிரியர்கள் வெவ்வேறு நபர்களாக இருப்பதால் அவர்களது எழுத்து நடையில் வேறுபாடு தெரிகிறதே அன்றி வேறல்ல. இருந்தாலும் கருப்பொருளில் எவ்வித வேறுபாடும் இல்லை. இதிலிருந்து இயேசு கிறிஸ்துவின் வாழ்வின் சம்பவங்கள் மக்கள் மனதில் அழியாது நிலைபெற்றிருந்ததை அறியலாம். அவரது சிரசின் மேல் வசை மொழிகள் எழுதி வைக்கப்பட்டதை அனைவரும் அக்காலத்தில் அறிந்திருந்தனர் என்பது இதனால் உறுதியாகிறது. ஒரு நூலைப் பிரதி எடுப்பது போல அவர்கள் எழுதவில்லை. தாங்கள் அறிந்த உண்மைகளை, தங்கள் மனமறிந்த படி எளிமையாக எழுதி கொடுத்துள்ளனர்.

இயேசு வெள்ளி ம‌தியம் இறந்து, ஞாயிறு அதிகாலையில் உயிர்தெழுந்தார். இதனை மூன்றாம் நாளில் உயிர்தெழுந்தார் என்று சுவிசேஷங்கள் கூறுகின்றன. இயேசு வெள்ளி மதியம் இறந்து ஞாயிறன்று உயிர்ப்பெற்றதால், இடைப்பட்ட காலத்தைச் சரியாக மூன்று நாட்களாக கருதமுடியாது. எனவே இதுவும் ஒரு முரண்பாடாக சுட்டிக்காட்டப்படுகிறது. ஆனால், இதில் எவ்வித தவறும் இல்லை. யூதர் முறைப்படி, வெள்ளி, சனி, ஞாயிறு என்பது மூன்று நாட்களாகவே கருதப்பட்டது. அவர் இக்கிழமைகளைக் கடந்து உயிர்பெற்றதைக் குறிக்கவே மூன்றாம் நாளில் உயிர்தெழுந்தார் என சுவிசேசங்கள் கூறுகின்றன. சிறிது சிந்தித்தாலே முரண்களாகத் தோன்றும் இவ்வேறுபாடுகள் எல்லாம் நமக்கு விளங்கும்.

6. பரிசுத்த ஆவி அருளின அற்புத வேதம்!
பரிசுத்த ஆவியின் வரம்பெற்ற 66 நூல்கள் இன்று நம் கைகளில் பைபிளாக வந்துள்ளது. ஆதியாகமம் முதல் மல்கியா வரை உள்ள 39 புத்தகங்களை யூதர்கள் தங்கள் வேதமாக கொண்டிருந்தனர். அவ‌ர்கள் கைவசமிருந்த நூல்களுக்கு இயேசு கிறிஸ்துவே சாட்சிக் கொடுத்தார் (லூக்கா 24:44). இவை பழைய உடன்படிக்கையாக அமைந்தன. பின்பு, அப்போஸ்தலராலும், அவர்கள்தம் கண்காணிப்பிலும் எழுதப்பட்ட நூல்கள் புதிய ஏற்பாடானது. மத்தேயு, யோவான், யூதா, யாக்கோபு, பேதுரு ஆகியோர் இயேசுவின் சீஷர்கள். மாற்கு பேதுருவின் சீஷராகவும், லூக்கா பவுலடியாருடனும் ஊழியஞ் செய்தவர்கள். பவுல் சீஷர்களின் நட்புறைவும், நற்சாட்சியையும் பெற்றவர். இவர்கள் எழுதிய நூல்கள் எல்லாம் ஆதி திருச்சபையின் பயன்பாட்டிற்கு உடனடியாக வந்தன. இவ்வாறு சீஷர்களாலும் அவர்களது சாட்சி பெற்ற மனிதர்களாலும் எழுதப்பட்ட 27 நூல்கள் திருச்சபையால் பாதுகாக்கப்பட்டு புதிய ஏற்பாடாக ஏற்றுக் கொள்ளப்பட்டது. இதனைக் குறித்து தனிக்கட்டுரை ஒன்றில் விரிவாகக் காணலாம்.

பரிசுத்த ஆவியானவரின் கரங்களை பைபிளில் உள்ள தீர்க்கதரிசனங்களும் அறிவியல் உண்மைகளும் காட்டி கொடுக்கின்றன. இயேசு கிறிஸ்துவின் வாழ்வை தீர்க்கதரிசிகள் அற்புதமாக முன் கூறினர். அவரது கன்னிப்பிறப்பு முதல் உயிர்தெழுதல் வரை பழைய ஏற்பாட்டின் தீர்க்கதரிசனங்களைக் கொண்டே வரையறுக்க முடியும்! அதுமட்டுமன்றி அதில் கூறப்பட்டுள்ள தீர்க்கதரிசனங்கள் அனைத்தும் ஒவ்வொன்றாக இந்நாள் வரை நிறைவேறி வருகின்றன. உதாரணத்திற்கு, இஸ்ரவேலரின் பாஷையை புதிதாக்குவேன் என்று கர்த்தர் வாக்களித்திருக்கிறார் (செப்பனியா 3:9). இது நமது நாட்களில் நிறைவேறியது மிக மிக ஆச்சரியமான ஒன்று. இயேசு கிறிஸ்துவின் காலத்திற்கு பிறகு, எபிரேயம் அந்நிய மொழி ஆதிக்கத்தால் இஸ்ரவேல் தேசத்தில் மறைந்து போனது. புழக்கத்தில் இருந்து தவறின ஒரு மொழியாக கருதப்பட்ட எபிரேயம் இன்றைய இஸ்ரவேலின் தேசிய மொழி! ஆயிரமாயிரம் ஜனங்களால் பேசப்படுகின்ற, ஆர்வமோடு கற்றுக் கொள்ளப்படுகின்ற மொழியாக அதிசய உருவமடைந்துள்ளது! எலைசர் யஹுதா என்ற தனி மனிதரின் முயற்சி இறந்து போன ஒரு மொழியை ஆயிரமாண்டுகளுக்கு பிறகு புழக்கத்தில் கொண்டு வந்ததிருக்கிறது. இது போன்ற அதிசய தீர்க்கதரிசனங்கள் நிறைந்த நூல் தான் பரிசுத்த வேதாகமம்.

இத்தனை மகத்துவங்கள் நிறைந்த வேதம் பைபிள். பரிசுத்த ஆவியானவரின் கரம்பதிந்த நூல், தன் தீர்க்கதரிசனங்களாலும், சரித்திரச் செரிவினாலும், சரித்திரவான்களின் சாட்சியாலும், தொல்பொருள் தடயங்களாலும் அனுதினமும் நம்மை ஈர்க்கும் அற்புத நூல். எல்லாவற்றிற்கும் மேலாக, இயேசு கிறிஸ்து வாக்களித்த நித்திய வாழ்வின் சத்தியங்களை எடுத்துரைக்கும் வேதம் இது. அதன் காரணமாகவே நூற்றாண்டுகள் கடந்தும் நம் கையில் நிலைபெற்று இருக்கிறது, பல்வேறு மொழிகளில் மொழிபெயர்க்கப்பட்டு உலகம் முழுவதும் வளம் வருகிறது, அதிக அளவில் அச்சடிக்கப்பட்டு வாசிக்கப்படுகிற வேதமாக இருக்கிறது. இந்த பரிசுத்த வேதத்தை படிக்கவும் பயன்படுத்தவும் தவறாதீர்கள்.

பைபிளை இங்கு தரவிறக்கம் செய்து கொள்ளலாம்

கடவுளை அறிந்து கொள்ளுங்கள், உங்களுக்கும் அவருக்கும் உள்ள தனிப்பட்ட உறவை அறிந்து கொள்ளுங்கள்

கடவுளை எப்படி அறிந்து கொள்ளலாம்? இது இயேசு கிறிஸ்துவை அறியாத நண்பர்க‌ளுக்கான ஒரு பதிவு, இந்நேரமே கடவுளோடு ஒரு தனிப்பட்ட உறவை ஏற்படுத்தி கொள்ளுங்கள், அவரை அறிந்துகொள்ள இச்செய்தி உங்களுக்கு வழிகாட்டும்.

சரி, கடவுளை அறிந்து அவரோடு அன்பான உறவொன்றை ஏற்படுத்தி கொள்ள என்ன செய்ய வேண்டும்? அனுதினமும் அவரைப் பற்றி அறிந்து கொள்ள தியானிக்க வேண்டும், தற்போது நாமிருக்கும் நிலையைக் காட்டிலும் குணந‌லன்களில் சிறக்க வேண்டும், அல்லது வாழ்நாள் முழுவதும் நற்பணிகளை செய்து வாழ வேண்டும்... இவ்வாறு பலர் பல விதமாக கூறுவார்கள். ஆனால் இவை எதுவுமே அதற்கான தீர்வு அல்ல. வாழ்வின் உண்மைப் பொருளை இயேசு நமக்கு விளக்கிச் சொல்லியுள்ளார். கடவுளை அறிந்து கொண்டு, அவரை சொந்தங் கொண்டாட அவர் கூறின வார்த்தைகள் நமக்கு வழிகாட்டுகின்றன.

1. கடவுள் உங்களை நேசிக்கிறார், உங்கள் வாழ்விற்கு நல்ல திட்டத்தை வைத்திருக்கிறார்.

கடவுள் தான் உங்களை படைத்தவர். அது மட்டுமல்ல, உங்களை அளவிள்ளாமல் நேசிப்பவர். இந்த நேரத்தில் நீங்கள் அவரை அறிந்து கொள்ள விரும்புகிறார், பரலோகத்தில் அவரோடு நீங்களும் நிலைத்து வாழ வேண்டுமென்பது அவரது ஆவலாய் இருக்கிறது. இச்சித்தத்தை தெளியப்படுத்த நம்மிடம் வந்தார் இயேசு. "தேவன், தம்முடைய ஒரேபேறான குமாரனை விசுவாசிக்கிறவன் எவனோ அவன் கெட்டுப் போகாமல் நித்திய ஜீவனை அடையும்படிக்கு, அவரைத் தந்தருளி, இவ்வளவாய் உலகத்தில் அன்புகூர்ந்தார்" என தன்னைக் குறித்து இயேசு ஒருமுறை சொன்னார். நாம் கடவுளை அறிய‌, அவரை நமக்குச் சொந்தமாக்கிக் கொள்ள நம்மிடத்தில் வந்தவர் இயேசு. அவரே நம் வாழ்விற்கு பொருளையும், நாம் படைக்கப்பட்ட நோக்கத்தைச் சொன்னவர்.

ஏன் நம்மால் கடவுளை கிட்டிச் சேர முடியவில்லை?

2. நாம் அனைவரும் பாவிகள், நமது பாவங்களே நமக்கும் நம்மை படைத்தவருக்கும் பிரிவினை உண்டாக்குகிறது.

இப்பிரிவை நம்மால் மனதார உணர முடியும். நமது வாழ்நாட்களில் பாவங்களைச் செய்து நம்மைச் சீரழித்துக் கொள்கிறோம். நமக்கும் கடவுளுக்கும் உள்ள இடைவெளி நம் பாவச் செயல்களே என்பதில் சந்தேகம் தேவையில்லை. "நாமெல்லாரும் ஆடுகளைப் போல வழிதப்பித் திரிந்து, அவனவன் தன்தன் வழியிலே போனோம்". நமக்கும் நம்மை படைத்த கர்த்தருக்கும் இடையே உள்ள எல்லா போராட்டங்களும் இப்பாவங்களின் நிமித்தமே. இதற்கு நமது மனசாட்சியே சாட்சிக் கொடுக்கிறது. இருந்தாலும், கர்த்த‌ரை கிட்டிச் சேர நாம் முயற்சி செய்யாமல் இருப்பதில்லை. அவரது மனதை கொள்ளையிட நற்செயல்களில் ஈடுபட்டு புண்ணியத்தைச் சேர்க்கிறோம். ஆனால் இம்முயற்சி பயனற்றது. எத்தனை புண்ணிய காரியங்களைச் செய்தாலும் நாம் செய்த பாவங்கள் பாவங்களே. பாவங்களை மறைக்க இப்புண்ணிய காரியங்கள் உதவாது.

இப்பாவத்தை எப்படி போக்க முடியும்?

3. இயேசு நம் பாவங்களை போக்கினார், அவரால் நாம் கடவுளை அறியவும், அவருடன் சொந்தங் கொள்ளவும் தகுதி அடைந்திருக்கிறோம்.

நமது பாவங்களுக்கு உரிய தண்டனை உண்டு. "பாவத்தின் சம்பளம் மரணம்" என வேதம் கூறுகிறது. கடவுளோடு நமக்குள்ள உறவு முற்றிலும் துண்டிக்கப்பட வேண்டும், இதுவே நமது பாவங்களுக்குரிய தண்டனை. இச்சாபத்தில் இருந்து நம்மை நீக்க ஒரே வழி தான் உண்டு. நமக்குப் பதிலாக நமது ஆக்கினைத் தீர்ப்பை இன்னொருவர் பெற்றுக் கொள்ள வேண்டும். ஆனால், நமது பாவத்திற்கான இந்த நிவர்த்தியை எந்த மனிதனும் செய்ய முடியாது. ஏனெனில் எல்லா மனிதர்களும் பாவிகளாக இருக்கின்றனர். தன்னிடத்தில் பாவத்தை வைத்துக் கொண்டு தானே தண்டனை பெற ஏதுவாயிருக்க, எந்த மனிதனும் மற்றவரின் தண்டனையை ஏற்க தகுதியற்றவன். எனவே நமக்காக தேவ குமாரன் இயேசு இவ்வுலகில் மனிதனாக வந்தார். முற்றிலும் பாவமில்லாத தூய வாழ்வை நடத்தினார். பொய்குற்றம் சாட்டப்பட்டு, எல்லாரும் கைவிடப்பட்டவராய், சிலுவையில் அறையப்பட்டார். "என் தேவனே! என் தேவனே! ஏன் என்னைக் கைவிட்டீர்" என சத்தமிட்டு தன் ஜீவனையும் நமக்காக விட்டார். அவரது சிலுவை மரணத்தின் போதே நம்மேல் விதிக்கப்பட்ட சாபம் ஒழிந்தது. அதன் அத்தாட்சியாக, சாவை வென்று உயிர்த்தெழுந்து தன் வார்த்தைகளின் உண்மையை காட்டினார்.

அவராலே அன்றி நமக்கு இரட்சிப்பு இல்லை. இதனையே, "நானே வழியும் சத்தியமும் ஜீவனுமாய் இருக்கிறேன்; என்னாலேயல்லாமல் ஒருவனும் பிதாவினிடத்தில் வரான்", "கிருபையினாலே விசுவாசத்தைக் கொண்டு இரட்சிக்கப்பட்டீர்கள்; இது உங்களால் உண்டானதல்ல, இது தேவனுடைய ஈவு; ஒருவரும் பெருமை பாராட்டாதபடிக்கு இது கிரியைகளினால் உண்டானதல்ல" என பல இடங்களில் வேதம் திட்டமாய்ச் சொல்கிறது. எனவே, நம் பாவங்கள் மன்னிக்கப்பட, கடவுளை அறிந்து அவரைச் சொந்தங் கொள்ள நாம் இயேசு கிறிஸ்துவை விசுவாசித்தால் போதும். இயேசு சொல்கிறார், "ஒருவன் தாகமாயிருந்தால் என்னிடத்தில் வந்து, பானம்பண்ணக்கடவன், என்னிடத்தில் விசுவாசமாய் இருக்கிறவன் எவனோ அவன் உள்ளத்திலிருந்து ஜீவத்தண்ணீருள்ள நதிகள் ஓடும்". உங்கள் மேல் அன்பு கொண்டு உங்களுக்காக மரித்தவர் இயேசு. இவ்வேளையில் அவர் உங்களை அழைத்திருக்கிறார். கடவுளோடு நித்திய உறவு கொள்ள, இயேசு கிறிஸ்து உங்களுக்காக செய்த எல்லாவற்றையும் நினைவு கூர்ந்து, மனப்பூரவமாக விசுவாசியுங்கள்.

நீங்கள் கிறிஸ்துவின் அழைப்பை ஏற்றுக் கொள்வீர்களா?

4. இயேசுவை சொந்த இரட்சகராக ஏற்றுக் கொள்ளுதல்.

"அவருடைய நாமத்தின்மேல் விசுவாசமுள்ளவர்களாய் அவரை ஏற்றுக் கொண்டவர்கள் எத்தனை பேர்களோ, அத்தனை பேர்களும் தேவனுடைய பிள்ளைகளாகும்படி, அவர்களுக்கு அதிகாரங்கொடுத்தார்" என வேதம் கூறுகிறது. நாம் நமது விசுவாசத்தினால் இயேசுவானவரை ஏற்று கொள்கிறோம். இயேசு கிறிஸ்துவை விசுவாசிப்பது என்றால் என்ன? அவரே தேவ குமாரன், என் பாவங்களை சுமந்து தீர்த்தவர் என விசுவாசித்து, நமது வாழ்வை அவரது கரங்களில் அர்ப்பணிக்க வேண்டும். இவ்வேளையில் இயேசு உங்களுக்கு அழைப்பு விடுத்திருக்கிறார், அவர் உங்களுக்கு விடுத்த அழைப்பின் வரிகள் இங்கே, "இதோ, வாசற்படியிலே நின்று தட்டுகிறேன்; ஒருவன் என் சத்தத்தைக் கேட்டு, கதவைத் திறந்தால், அவனிடத்தில் நான் பிரவேசித்து, அவனோடே போஜனம் பண்ணுவேன், அவனும் என்னோடே போஜனம் பண்ணுவான்".

நீங்கள் உங்களை ஒப்புக்கொடுக்கத் தயாரா? இயேசுவுக்கென்று உங்களை ஒப்புக் கொடுக்க, நேர்த்தியான வார்த்தைகளோ, சடங்காச்சாரங்களோ முக்கியமல்ல. அவர் உங்கள் உள்ளத்தையே பார்க்கிறார். உங்கள் விசுவாசத்தை அறிக்கையிட அறியாவிட்டால், கீழுள்ள சிறு ஜெபத்தை சொல்லி பிராத்தியுங்கள்.

"இயேசுவே, நான் உம்மை அறிந்து கொள்ள விரும்புகிறேன், என் வாழ்வில் வாரும். எனக்கு இரட்சிப்புண்டாக சிலுவையில் மரித்தீரே, அதற்காக உமக்கு நன்றி சொல்கிறேன். உம் ஒருவராலேயே என் பாவங்களை நீக்கி என் வாழ்வை புதிதாக்க முடியும். என்னை மன்னித்து, எனக்கு நித்திய ஜீவனை கொடுப்பதற்காக உமக்கு ஸ்தோத்திரம். இவ்வேளையில் என் வாழ்வை உம் கரங்களில் ஒப்புக் கொடுக்கிறேன். உம் சித்தத்தை என் வாழ்வில் நிறைவேற்றும். ஆமென்."

அவரை நீங்கள் மனப்பூர்வமாக, உண்மையாக இவ்வேளையில் அழைத்திருந்தால், அவர் சொன்னபடியே உங்கள் வாழ்வில் இப்போது பிரவேசித்து இருக்கிறார். கடவுளோடு ஒரு தனிப்பட்ட அன்பான உறவை இவ்வேளையில் நீங்கள் தொடங்கிவிட்டீர்கள். உங்கள் பாவமெல்லாம் அழிந்தது. புதிதான வாழ்வை தொடங்க ஆயத்தமாயிருக்கிறீர்கள், இனி, அன்றாட வேதம் வாசித்து, ஜெபித்து, கர்த்தரை அறிந்து அவருக்குள் வளருங்கள். ஊழியத்திலும், விசுவாச சபை கூடுதல்களிலும் தவறாமல் பங்கு பெறுங்கள்.

வேதம் உங்களிடம் இல்லாவிட்டால், இங்கு தரவிறக்கம் செய்து கொள்ளலாம்

(கிறிஸ்து அறிமுகப்பதிவு 1)

இன்றைய பாடல்: லேசான காரியம் - DOWNLOAD

"என்னைப் பெலப்படுத்துகிற

கிறிஸ்துவினாலே எல்லாவற்றையும்

செய்ய எனக்குப் பெலனுண்டு"

- பிலிப்பியர் 4:13

TO DOWNLOAD THIS SONG

CLICK HERE

லேசான காரியம்

எதுவும் லேசான காரியம்
பெலன் உள்ளவன்

பெலன் இல்லாதவன்
யாராய் இருந்தாலும்

உதவிகள் செய்வது
லேசான காரியம்

உமக்கது லேசான காரியம்...

மண்ணைப் பிசைந்து மனிதனை

படைப்பது லேசான காரியம்
மண்ணான மனிதர்க்கும்
மன்னாவைத் தருவது
லேசான காரியம்
உமக்கது லேசான காரியம்...

கூழாங்கல்லாலே
கோலியாத் வீழ்ந்தது
லேசான காரியம்
ஆழ்கடல் மீனதில்
வரிப்பணம் பெறுவதும்
லேசான காரியம்
உமக்கது லேசான காரியம்...

கற்பாறை போல‌
கடல்மேல் நடப்பது
லேசான காரியம்
கற்ஜாடி நீரை
கனிரசம் ஆக்குவது
லேசான காரியம்...

உமக்கது லேசான காரியம்...

இன்றைய பாடல்: குயவனே குயவனே (DOWNLOAD MP3)

"இப்பொழுதும் கர்த்தாவே, நீர் எங்களுடைய பிதா,

நாங்கள் களிமண்; நீர் எங்களை உருவாக்குகிறவர்,

நாங்கள் அனைவரும் உமது கரத்தின் கிரியை"

- ஏசாயா 64:8

To Download this song, click here

குயவனே குயவனே

படைப்பின் காரணனே

களிமண்ணான என்னையுமே

கண்ணோக்கிப் பார்த்திடுமே...

குயவனே குயவனே

படைப்பின் காரணனே

களிமண்ணான என்னையுமே

கண்ணோக்கிப் பார்த்திடுமே...

வெறுமையான பாத்திரம் நான்

வெறுத்து தள்ளாமலே

நிரம்பி வழியும் பாத்திரமாய்

விளங்கச் செய்திடுமே

வெறுமையான பாத்திரம் நான்

வெறுத்து தள்ளாமலே

நிரம்பி வழியும் பாத்திரமாய்

விளங்கச் செய்திடுமே

வேதத்தில் காணும் பாத்ரமெல்லாம்

இயேசுவைப் போற்றிடுதே

என்னையும் அவ்வித பாத்திரமாய்

வனைந்து கொள்ளுமே...

குயவனே குயவனே

படைப்பின் காரணனே

களிமண்ணான என்னையுமே

கண்ணோக்கிப் பார்த்திடுமே...

மண்ணாசையில் நான் மயங்கியே

மெய்வழி விட்டகன்றேன்

கண்போன போக்கை பின்பற்றினேன்

கண்டேன் இல்லை இன்பமே

மண்ணாசையில் நான் மயங்கியே

மெய்வழி விட்டகன்றேன்

கண்போன போக்கை பின்பற்றினேன்

கண்டேன் இல்லை இன்பமே

காணாமல் போன பாத்ரமென்னை

தேடி வந்த தெய்வமே

வாழ்நாள் எல்லாம் உம் பாதம் செல்லும்

பாதையில் நடத்திடுமே...

குயவனே குயவனே

படைப்பின் காரணனே

களிமண்ணான என்னையுமே

கண்ணோக்கிப் பார்த்திடுமே...

குயவனே குயவனே

படைப்பின் காரணனே

களிமண்ணான என்னையுமே

கண்ணோக்கிப் பார்த்திடுமே...

இன்றைய பாடல்: தாசரே இத்தரணியை (DOWNLOAD MP3)

  

வேதப்பகுதி - மத்தேயு 28:18-20

அப்பொழுது இயேசு சமீபத்தில் வந்து, அவர்களை நோக்கி: வானத்திலும் பூமியிலும் சகல அதிகாரமும் எனக்கு கொடுக்கப்பட்டிருக்கிறது. ஆகையால், நீங்கள் புறப்பட்டுப் போய் சகல ஜாதிகளையும் சீஷராக்கி, பிதா குமாரன் பரிசுத்த ஆவியின் நாமத்திலே அவர்களுக்கு ஞானஸ்நானங் கொடுத்து, நான் உங்களுக்குக் கட்டளையிட்ட யாவையும் அவர்கள் கைக்கொள்ளும்படி அவர்களுக்கு உபதேசம் பண்ணுங்கள்; இதோ, உலகத்தின் முடிவுபரியந்தம் சகல நாட்களிலும் நான் உங்களுடனே கூட இருக்கிறேன் என்றார். ஆமென்.

CLICK HERE TO DOWNLOAD THIS MP3 SONG

தாசரே இத்தரணியை அன்பாய்
இயேசுவுக்கு சொந்தமாக்குவோம்
நேசமாய் இயேசுவை கூறுவோம்
அவரை காண்பிப்போம்
மாவிருள் நீக்குவோம்
வெளிச்சம் வீசுவோம்

தாசரே இத்தரணியை அன்பாய்
இயேசுவுக்கு சொந்தமாக்குவோம்

வருத்தப்பட்டு பாரம் சுமந்தோரை
வருந்தி அன்பாய் அழைத்திடுவோம்
உயிர்த்த இயேசு பாவ பாரத்தை
நமது துக்கத்தை நமது துன்பத்தை
சுமந்து தீர்த்தாரே

தாசரே இத்தரணியை அன்பாய்
இயேசுவுக்கு சொந்தமாக்குவோம்

பசியுற்றார்க்கு பிணியாளிகட்கு
பட்சமாக உதவி செய்வோம்
உசித நன்மைகள் நிறைந்து
தம்மை மறந்து இயேசு கனிந்து
பிரிந்தனரே

தாசரே இத்தரணியை அன்பாய்
இயேசுவுக்கு சொந்தமாக்குவோம்

நெருக்கப்பட்டு ஒடுக்கப்பட்டோரை
நீசரை நாம் உயர்த்திடுவோம்
பொறுக்கவொண்ணா கஷ்டத்துக்குள்
நிஷ்டூரத்துக்குள் படுகுழிக்குள்
விழுந்தனரே

தாசரே இத்தரணியை அன்பாய்
இயேசுவுக்கு சொந்தமாக்குவோம்

மார்க்கம் தப்பி நடப்போரை
சத்திய வழிக்குள் வந்திட சேர்த்திடுவோம்
ஊக்கமாக ஜெபித்திடுவோம்
நாம் முயன்றிடுவோம்
நாம் உழைத்திடுவோம்
நாம் ஜெயித்திடுவோம்

தாசரே இத்தரணியை அன்பாய்
இயேசுவுக்கு சொந்தமாக்குவோம்
நேசமாய் இயேசுவை கூறுவோம்
அவரை காண்பிப்போம்
மாவிருள் நீக்குவோம்
வெளிச்சம் வீசுவோம்

தாசரே இத்தரணியை அன்பாய்
இயேசுவுக்கு சொந்தமாக்குவோம்

What a friend we have in Jesus - DOWNLOAD MP3

TO DOWNLOAD THIS SONG,

CLICK HERE

What a friend we have in Jesus,
All our sins and griefs to bear!
What a privilege to carry
Everything to God in prayer!
Oh, what peace we often forfeit,
Oh, what needless pain we bear,
All because we do not carry
Everything to God in prayer!

Have we trials and temptations?
Is there trouble anywhere?
We should never be discouraged—
Take it to the Lord in prayer.
Can we find a friend so faithful,
Who will all our sorrows share?
Jesus knows our every weakness;
Take it to the Lord in prayer.

Are we weak and heavy-laden,
Cumbered with a load of care?
Precious Savior, still our refuge—
Take it to the Lord in prayer.
Do thy friends despise, forsake thee?
Take it to the Lord in prayer!
In His arms He’ll take and shield thee,
Thou wilt find a solace there.

Blessed Savior, Thou hast promised
Thou wilt all our burdens bear;
May we ever, Lord, be bringing
All to Thee in earnest prayer.
Soon in glory bright, unclouded,
There will be no need for prayer—
Rapture, praise, and endless worship
Will be our sweet portion there.

தேவ கிருபை என்றுமுள்ளதே

இப்பாடலை டவுன்லோடு செய்ய, 

இங்கு கிளிக் செய்யவும்

தேவ கிருபை என்றுமுள்ளதே
அவர் கிருபை என்றுமுள்ளதே
அவரைப் போற்றி துதித்துப் பாடி
அல்லேலூயா என்றார்ப்பரிப்போம்
அவரைப் போற்றி துதித்துப் பாடி
அல்லேலூயா என்றார்ப்பரிப்போம்

தேவ கிருபை என்றுமுள்ளதே
அவர் கிருபை என்றுமுள்ளதே
அவரைப் போற்றி துதித்துப் பாடி
அல்லேலூயா என்றார்ப்பரிப்போம்
அவரைப் போற்றி துதித்துப் பாடி
அல்லேலூயா என்றார்ப்பரிப்போம்

நெருக்கப்பட்டும் மடிந்திடாமல்
கர்த்தர்தாம் நம்மைக் காத்ததாலே
நெருக்கப்பட்டும் மடிந்திடாமல்
கர்த்தர்தாம் நம்மைக் காத்ததாலே
அவர் நல்லவர் அவர் வல்லவர்
அவர் கிருபை என்றுமுள்ளதே
அவர் நல்லவர் அவர் வல்லவர்
அவர் கிருபை என்றுமுள்ளதே

தேவ கிருபை என்றுமுள்ளதே
அவர் கிருபை என்றுமுள்ளதே
அவரைப் போற்றி துதித்துப் பாடி
அல்லேலூயா என்றார்ப்பரிப்போம்
அவரைப் போற்றி துதித்துப் பாடி
அல்லேலூயா என்றார்ப்பரிப்போம்

அக்கினி சோதனை பட்சிக்க வந்தும்
முட்செடி தன்னில் தோன்றிய தேவன்
அக்கினி சோதனை பட்சிக்க வந்தும்
முட்செடி தன்னில் தோன்றிய தேவன்
பாதுகாத்தாரே அவர் நல்லவர்
அவர் கிருபை என்றுமுள்ளதே
பாதுகாத்தாரே அவர் நல்லவர்
அவர் கிருபை என்றுமுள்ளதே

தேவ கிருபை என்றுமுள்ளதே
அவர் கிருபை என்றுமுள்ளதே
அவரைப் போற்றி துதித்துப் பாடி
அல்லேலூயா என்றார்ப்பரிப்போம்
அவரைப் போற்றி துதித்துப் பாடி
அல்லேலூயா என்றார்ப்பரிப்போம்

காரிருள் போன்ற கஷ்டங்கள் வந்தும்
பாரில் அவர் என் பாதையில் ஒளியாய்
காரிருள் போன்ற கஷ்டங்கள் வந்தும்
பாரில் அவர் என் பாதையில் ஒளியாய்
என்னை நடத்தினார் அவர் நல்லவர்
அவர் கிருபை என்றுமுள்ளதே
என்னை நடத்தினார் அவர் நல்லவர்
அவர் கிருபை என்றுமுள்ளதே

அவர் நல்லவர் அவர் வல்லவர்
அவர் கிருபை என்றுமுள்ளதே

பாதுகாத்தாரே அவர் நல்லவர்
அவர் கிருபை என்றுமுள்ளதே

என்னை நடத்தினார் அவர் நல்லவர்
அவர் கிருபை என்றுமுள்ளதே

தேவ கிருபை என்றுமுள்ளதே
அவர் கிருபை என்றுமுள்ளதே
அவரைப் போற்றி துதித்துப் பாடி
அல்லேலூயா என்றார்ப்பரிப்போம்
அவரைப் போற்றி துதித்துப் பாடி
அல்லேலூயா என்றார்ப்பரிப்போம்

தேவ கிருபை என்றுமுள்ளதே
அவர் கிருபை என்றுமுள்ளதே
அவரைப் போற்றி துதித்துப் பாடி
அல்லேலூயா என்றார்ப்பரிப்போம்
அவரைப் போற்றி துதித்துப் பாடி
அல்லேலூயா என்றார்ப்பரிப்போம்

வேதப்பகுதி: சங்கீதம் 136

1. கர்த்தரைத் துதியுங்கள்; அவர் நல்லவர், அவர் கிருபை என்றுமுள்ளது.

2. தேவாதி தேவனைத் துதியுங்கள்; அவர் கிருபை என்றுமுள்ளது.

3. கர்த்தாதி கர்த்தரைத் துதியுங்கள்; அவர் கிருபை என்றுமுள்ளது.

4. ஒருவராய்ப் பெரிய அதிசயங்களைச் செய்கிறவரைத் துதியுங்கள்; அவர் கிருபை என்றுமுள்ளது.

5. வானங்களை ஞானமாய் உண்டாக்கினவரைத் துதியுங்கள்; அவர் கிருபை என்றுமுள்ளது.

6. தண்ணீர்களுக்கு மேலே பூமியைப் பரப்பினவரைத் துதியுங்கள்; அவர் கிருபை என்றுமுள்ளது.

7. பெரிய சுடர்களை உண்டாக்கினவரைத் துதியுங்கள்; அவர் கிருபை என்றுமுள்ளது;

8. பகலில் ஆளச் சூரியனைப் படைத்தவரைத் துதியுங்கள்; அவர் கிருபை என்றுமுள்ளது.

9. இரவில் ஆளச் சந்திரனையும் நட்சத்திரங்களையும் படைத்தவரைத் துதியுங்கள்; அவர் கிருபை என்றுமுள்ளது;

10. எகிப்தியருடைய தலைச்சன்களைச் சங்கரித்தவரைத் துதியுங்கள்; அவர் கிருபை என்றுமுள்ளது.

11. அவர்கள் நடுவிலிருந்து இஸ்ரவேலைப் புறப்படப்பண்ணினவரைத் துதியுங்கள்; அவர் கிருபை என்றுமுள்ளது.

12. பலத்த கையினாலும் ஓங்கிய புயத்தினாலும் அதைச் செய்தவரைத் துதியுங்கள்; அவர் கிருபை என்றுமுள்ளது.

13. சிவந்த சமுத்திரத்தை இரண்டாகப் பிரித்தவரைத் துதியுங்கள்; அவர் கிருபை என்றுமுள்ளது.

14. அதின் நடுவே இஸ்ரவேலைக் கடந்துபோகப்பண்ணினவரைத் துதியுங்கள்; அவர் கிருபை என்றுமுள்ளது.

15. பார்வோனையும் அவன் சேனைகளையும் சிவந்த சமுத்திரத்தில் கவிழ்த்துப் போட்டவரைத் துதியுங்கள்; அவர் கிருபை என்றுமுள்ளது.

16. தம்முடைய ஜனங்களை வனாந்தரத்தில் நடத்தினவரைத் துதியுங்கள்; அவர் கிருபை என்றுமுள்ளது.

17. பெரிய ராஜாக்களைச் சங்கரித்தவரைத் துதியுங்கள்; அவர் கிருபை என்றுமுள்ளது.

18. பிரபலமான ராஜாக்களை அழித்தவரைத் துதியுங்கள்; அவர் கிருபை என்றுமுள்ளது.

19. எமோரியரின் ராஜாவாகிய சீகோனை அழித்தவரைத் துதியுங்கள்; அவர் கிருபை என்றுமுள்ளது.

20. பாசானின் ராஜாவாகிய ஓகை அழித்தவரைத் துதியுங்கள்; அவர் கிருபை என்றுமுள்ளது.

21. அவர்கள் தேசத்தைச் சுதந்தரமாகத் தந்தவரைத் துதியுங்கள்; அவர் கிருபை என்றுமுள்ளது.

22. அதைத் தம்முடைய தாசனாகிய இஸ்ரவேலுக்குச் சுதந்தரமாகவே தந்தவரைத் துதியுங்கள்; அவர் கிருபை என்றுமுள்ளது.

23. நம்முடைய தாழ்வில் நம்மை நினைத்தவரைத் துதியுங்கள்; அவர் கிருபை என்றுமுள்ளது.

24. நம்முடைய சத்துருக்களின் கையிலிருந்து நம்மை விடுதலை பண்ணினவரைத் துதியுங்கள்; அவர் கிருபை என்றுமுள்ளது.

25. மாம்சதேகமுள்ள யாவுக்கும் ஆகாரங் கொடுக்கிறவரைத் துதியுங்கள்; அவர் கிருபை என்றுமுள்ளது.

26. பரலோகத்தின் தேவனைத் துதியுங்கள்; அவர் கிருபை என்றுமுள்ளது.

இன்றைய பாடல்: உம்மோடு இருப்பது தான் (Download)

TO DOWNLOAD THIS MP3 SONG

CLICK HERE

உம்மோடு இருப்பது தான்
உள்ளத்தின் வாஞ்சை ஐயா
உம் சித்தம் செய்வது தான்
இதயத்தின் ஏக்கமைய்யா
உம்மோடு இருப்பது தான்
உள்ளத்தின் வாஞ்சை ஐயா
உம் சித்தம் செய்வது தான்
இதயத்தின் ஏக்கமைய்யா
இயேசையா உம்மைத் தானே
என் முன்னே நிறுத்தி உள்ளேன்
இயேசையா உம்மைத் தானே
என் முன்னே நிறுத்தி உள்ளேன்

எனக்காக யாவையும் செய்பவரே
செய்து முடிப்பவரே
எனக்காக யாவையும் செய்பவரே
செய்து முடிப்பவரே
என் பாரங்கள் என் சுமைகள்
என் பாரங்கள் என் சுமைகள்
உம் பாதத்தில் இறக்கி வைத்தேன்
உம் பாதத்தில் இறக்கி வைத்தேன்

இயேசையா உம்மைத் தானே
என் முன்னே நிறுத்தி உள்ளேன்
இயேசையா உம்மைத் தானே
என் முன்னே நிறுத்தி உள்ளேன்

இரக்கமும் உருக்கமும் நீடிய சாந்தமும்
கிருபையும் உள்ளவரே
இரக்கமும் உருக்கமும் நீடிய சாந்தமும்
கிருபையும் உள்ளவரே
என் ஜீவனை அழிவில் நின்று
என் ஜீவனை அழிவில் நின்று
மீட்டவரே என் மேய்ப்பரே
மீட்டவரே என் மேய்ப்பரே

இயேசையா உம்மைத் தானே
என் முன்னே நிறுத்தி உள்ளேன்
இயேசையா உம்மைத் தானே
என் முன்னே நிறுத்தி உள்ளேன்

எபிநேசரே எல்எலியோன்
என்றுமே உயர்ந்தவரே
எபிநேசரே எல்எலியோன்
என்றுமே உயர்ந்தவரே
எல்ஷடாய் வல்லவரே
எல்ஷடாய் சர்வ வல்லவரே
எல்ரோயீ காண்பவரே
எல்ரோயீ காண்பவரே

இயேசையா உம்மைத் தானே
என் முன்னே நிறுத்தி உள்ளேன்
இயேசையா உம்மைத் தானே
என் முன்னே நிறுத்தி உள்ளேன்

உம்மோடு இருப்பது தான்
உள்ளத்தின் வாஞ்சை ஐயா
உம் சித்தம் செய்வது தான்
இதயத்தின் ஏக்கமைய்யா

SONG OF THE DAY - "YOU'RE BEAUTIFUL" - DOWNLOAD

A BEAUTIFUL SONG FOR YOU

 

 CLICK HERE TO DOWNLOAD THIS SONG

 

 

I see Your face in every sunrise
The colors of the morning are inside Your eyes
The world awakens in the light of the day
I look up to the sky and say
You're beautiful

 

I see Your power in the moonlit night

Where planets are in motion and galaxies are bright
We are amazed in the light of the stars
It's all proclaiming who You are
You're beautiful

I see You there hanging on a tree
You bled and then you died and then you rose again for me
Now You are sitting on Your heavenly throne
Soon we will be coming home
You're beautiful

When we arrive at eternity's shore
Where death is just a memory and tears are no more
We'll enter in as the wedding bells ring
Your bride will come together and we'll sing
You're beautiful

I see Your face, I see Your face
I see Your face, You're beautiful
You're beautiful
You're beautiful

இன்றைய பாடல்: அன்பே உம்மை ஆராதிக்கின்றேன்

இந்த பாடலை தரவிறக்கம் செய்ய,

இங்கு கிளிக் செய்யவும்

வேதப்பகுதி: 1 கொரிந்தியர் 13ஆம் அதிகாரம்

1. நான் மனுஷர் பாஷைகளையும் தூதர்பாஷைகளையும் பேசினாலும், அன்பு எனக்கிராவிட்டால், சத்தமிடுகிற வெண்கலம் போலவும், ஓசையிடுகிற கைத்தாளம் போலவும் இருப்பேன்.

2. நான் தீர்க்கதரிசன வரத்தை உடையவனாயிருந்து, சகல இரகசியங்களையும், சகல அறிவையும் அறிந்தாலும், மலைகளைப் பேர்க்கத்தக்கதாக சகல விசுவாசமுள்ளவனாய் இருந்தாலும், அன்பு எனக்கிராவிட்டால் நான் ஒன்றுமில்லை.

3. எனக்கு உண்டான யாவற்றையும் நான் அன்னதானம் பண்ணினாலும், என் சரீரத்தைச் சுட்டெரிக்கப்படுவதற்குக் கொடுத்தாலும், அன்பு எனக்கிராவிட்டால் எனக்குப் பிரயோஜனம் ஒன்றுமில்லை.

4. அன்பு நீடிய சாந்தமும் தயவுமுள்ளது; அன்புக்குப் பொறாமையில்லை; அன்பு தன்னைப் புகழாது, இறுமாப்பாயிராது,

5. அயோக்கியமானதைச் செய்யாது, தற்பொழிவை நாடாது, சினமடையாது, தீங்கு நினையாது,

6. அநியாயத்தில் சந்தோஷப்படாமல், சத்தியத்தில் சந்தோஷப்படும்.

7. சகலத்தையும் தாங்கும், சகலத்தையும் விசுவாசிக்கும், சகலத்தையும் நம்பும், சகலத்தையும் சகிக்கும்.

8. அன்பு ஒருக்காலும் ஒழியாது. தீர்க்கதரிசனங்களானாலும் ஒழிந்துபோம், அந்நிய பாஷைகளானாலும் ஓய்ந்துபோம், அறிவானாலும் ஒழிந்துபோம்.

9. நம்முடைய அறிவு குறைவுள்ளது, நாம் தீர்க்கதரிசனஞ் சொல்லுதலும் குறைவுள்ளது.

10. நிறைவானது வரும்போது குறைவானது ஒழிந்துபோம்.

11. நான் குழந்தையாயிருந்த போது குழந்தையைப் போலப் பேசினேன், குழந்தையைப் போலச் சிந்தித்தேன், குழந்தையைப் போல யோசித்தேன்; நான் புருஷனான போதோ குழந்தைக்கேற்றவைகளை ஒழித்துவிட்டேன்.

12. இப்பொழுது கண்ணாடியிலே நிழலாட்டமாய்ப் பார்க்கிறோம், அப்பொழுது முகமுகமாய்ப் பார்ப்போம்; இப்பொழுது நான் குறைந்த அறிவுள்ளவன், அப்பொழுது நான் அறியப்பட்டிருக்கிறபடியே, அறிந்துகொள்ளுவேன்.

13. இப்பொழுது விசுவாசம், நம்பிக்கை, அன்பு இம்மூன்றும் நிலைத்திருக்கிறது; இவைகளில் அன்பே பெரியது.

அன்பில்லாதவன் தேவனை அறியான், தேவன் அன்பாகவே இருக்கிறார். தம்முடைய ஒரே பேறான குமாரனாலே நாம் பிழைக்கும்படிக்கு தேவன் அவரை இவ்வுலகத்திலே அனுப்பினதினால் தேவன் நம்மேல் வைத்த அன்பு வெளிப்பட்டது - 1 யோவான் 4:8,9

பாடல் வரிகள்

அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்
அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்
அமுதமும் நீரே அமிர்தமும் நீரே
சுகந்தமும் நீரே சுகிர்தமும் நீரே
அமுதமும் நீரே அமிர்தமும் நீரே
சுகந்தமும் நீரே சுகிர்தமும் நீரே
அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்

அன்பில்லா நெஞ்சம் அனைத்திலும் பாழே
அன்பில்லா வாழ்க்கை அனைத்திலும் வீணே
அன்பில்லா நெஞ்சம் அனைத்திலும் பாழே
அன்பில்லா வாழ்க்கை அனைத்திலும் வீணே
சகலமும் தாங்கும் சகலமும் சகிக்கும்
அகலமும் ஆழமும் நீளமும் அற்றதே
சகலமும் தாங்கும் சகலமும் சகிக்கும்
அகலமும் ஆழமும் நீளமும் அற்றதே

அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்
அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்

கனிந்து கனிந்து கனிதரும் வாழ்வை
துணிந்து துணிந்து முன்செல்லும் செய்யும்
கனிந்து கனிந்து கனிதரும் வாழ்வை
துணிந்து துணிந்து முன்செல்லும் செய்யும்
உவர்நீரில் வாழும் மீனினம் போல‌
தவறுலகில் என்னை செவ்வையாய் நடத்தும்
உவர்நீரில் வாழும் மீனினம் போல‌
தவறுலகில் என்னை செவ்வையாய் நடத்தும்

அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்
அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்

ஆவியின் வரங்கள் அனைத்தும் இருந்தும்
அன்பின் குணங்கள் சிறிதும் குறைந்தால்
ஆவியின் வரங்கள் அனைத்தும் இருந்தும்
அன்பின் குணங்கள் சிறிதும் குறைந்தால்
பாவியின் குணங்கள் பரவிடச் செய்யும்
பரமனின் சாயல் விலகிடத் தொடங்கும்
பாவியின் குணங்கள் பரவிடச் செய்யும்
பரமனின் சாயல் விலகிடத் தொடங்கும்

அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்
அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்
அமுதமும் நீரே அமிர்தமும் நீரே
சுகந்தமும் நீரே சுகிர்தமும் நீரே
அமுதமும் நீரே அமிர்தமும் நீரே
சுகந்தமும் நீரே சுகிர்தமும் நீரே
அன்பே உம்மை ஆராதிக்கின்றேன்
அன்பின் கரத்தில் அர்ப்பணிக்கின்றேன்

உன் விசுவாசம் உன்னை இரட்சித்தது - பைபிள் வீடியோ கிளிப்

உன் விசுவாசம் உன்னை இரட்சிக்கும்

TO DOWNLOAD THIS VIDEO CLIP - CLICK HERE

வேதப்பகுதி - மாற்கு 5:25-34

அப்பொழுது பன்னிரண்டு வருஷமாய்ப் பெரும்பாடுள்ள ஒரு ஸ்திரீ, அநேக வைத்தியர்களால் மிகவும் வருத்தப்பட்டு, தனக்கு உண்டானவைகளை எல்லாம் செலவழித்தும், சற்றாகிலும் குணமடையாமல் அதிக வருத்தப்படுகிற பொழுது, இயேசுவைக் குறித்துக் கேள்விப்பட்டு: நான் அவருடைய வஸ்திரங்களையாகிலும் தொட்டால் சொஸ்தமாவேன் என்று சொல்லி; ஜனக்கூட்டத்துக்குள்ளே அவருக்குப் பின்னாக வந்து, அவருடைய வஸ்திரத்தைத் தொட்டாள். உடனே அவளுடைய உதிரத்தின் ஊறல் நின்றுபோயிற்று; அந்த வேதனை நீங்கி ஆரோக்கியமடைந்ததை அவள் தன் சரீரத்தில் உணர்ந்தாள். உடனே இயேசு தம்மிலிருந்து வல்லமை புறப்பட்டதைத் தமக்குள் அறிந்து, ஜனக்கூட்டத்துக்குள்ளே திரும்பி: என் வஸ்திரங்களைத் தொட்டது யார் என்று கேட்டார். அவருடைய சீஷர்கள் அவரை நோக்கி: திரளான ஜனங்கள் உம்மை நெருக்கிக் கொண்டிருக்கிறதை நீர் கண்டும், என்னைத் தொட்டது யார் என்று கேட்கிறீரே என்றார்கள். இதைச் செய்தவளைக் காணும்படிக்கு அவர் சுற்றிலும் பார்த்தார். தன்னிடத்திலே சம்பவித்ததை அறிந்த அந்த ஸ்திரீயானவள் பயந்து, நடுங்கி, அவர் முன்பாக வந்து விழுந்து, உண்மையையெல்லாம் அவருக்குச் சொன்னாள். அவர் அவளைப் பார்த்து: மகளே, உன் விசுவாசம் உன்னை இரட்சித்தது, நீ சமாதானத்தோடே போய், உன் வேதனை நீங்கி, சுகமாயிரு என்றார்.